Një skenë e pazakontë dhe që ka lënë pa fjalë botën e futbollit ka ndodhur sonte në Madrid, pak çaste përpara nisjes së gjysmëfinales mes Atlético Madrid dhe Arsenal.
Ndërsa lojtarët po zbrisnin në fushë nën himnin e Champions League, tifozët vendas kanë krijuar një “stuhi” të bardhë, duke hedhur mijëra rrotulla letre higjienike në tapetin e gjelbër.
Ky gjest, që ka bërë menjëherë xhiron e rrjeteve sociale, ka detyruar arbitrin të shtyjë për disa minuta fillimin e takimit deri në pastrimin e fushës. Ndërsa shumë e shohin si një akt humori apo proteste origjinale, të tjerë e konsiderojnë si një mënyrë ekstreme për të krijuar një atmosferë “ferri” për kundërshtarët londinezë.
Në rrjetet sociale komentet nuk kanë fund, duke e pagëzuar këtë si “Finalja e Letrës”. Një gjë është e sigurt: Atlético Madrid sapo shënoi “golin” e parë në aspektin e vëmendjes botërore, ende pa nisur mirë loja!
Top Channel
