Dhjetëra arbitra në prokurori, prapaskenat e hetimeve që gjunjëzojnë AIA. Dino Tommasi zëvendëson Rocchi-n deri në fund të sezonit 27/04 15:18
Udhëhoqi Interin në përmbysjen ndaj Comos në gjysmëfinalen e dytë të Kupës së Italisë duke shënuar një dygolësh dhe dhënë një asist te Sucic, por tani Hakan Calhanoglu rrezikon të humbasë aktin final të këtij kompeticioni kundër Lazios i planifikuar të luhet në 13 maj në Olimpico të Romës.
Mesfushori turk po përballet sërish me një problem muskular. Sipas një komunikate të bërë nga Interi, Calhanoglu paraditen e kësaj të hëne iu nënshtrua ekzaminimeve në Institutin Klinik Humanitas të Rozzanos të cilat evidentuan një tendosje muskulare në këmbën e majtë dhe se situata e tij do të vlerësohet në ditët në vijim.
‘Calhanoglu nuk ishte mirë’-deklaroi trajneri i Interit, Cristian Chivu pas barazimit me Torinon teksa shpjegoi vendimin e tij për të lënë mesfushorin gjatë gjithë ndeshjes në pankinën, kur në prag të ndeshjes ai dukej i destinuar të niste ndeshjen që nga minuta e parë.
Dëmtimi i Calhanoglu rezulton më i rëndë nga sa u parashikua me futbollistin që rrezikon të humbasë jo vetëm finalen e Kupës së Italisë, por edhe fazën finale të sezonit
Top Channel
