Orban dorëzon postin e tij në parlament: Jam i nevojshëm për riorganizimin e kampit kombëtar 25/04 18:19
Filmi i ri biografik për Michael Jackson, “Michael”, me regji nga Antoine Fuqua, ka shkaktuar debate të nxehta që nga shfaqja e tij në kinema të premten.
Ndërsa audienca e ka vlerësuar lart me 96% në Rotten Tomatoes, kritikët kanë shprehur shqetësime për mungesën e trajtimit të akuzave serioze për abuzim me fëmijë ndaj Mbretit të Popit.
Krijuesi i dokumentarit “Leaving Neverland”, Dan Reed, ka reaguar veçanërisht ashpër, duke deklaruar se filmi paraqet një pamje të paplotë të jetës së Jackson dhe e krahason situatën me rastin e Jeffrey Epstein. Reed theksoi se publiku nuk është i informuar për akuzat që janë bërë ndaj artistit dhe vuri në dyshim motivet komerciale të filmit dhe të ekipit të tij.
Ai deklaroi: “Si mund të tregosh një histori autentike për Michael Jackson pa përmendur kurrë faktin se ai u akuzua seriozisht për abuzim me fëmijë?” dhe shtoi se shumë njerëz thjesht e duan muzikën e tij, duke injoruar akuzat. Reed gjithashtu kritikoi pasurinë dhe përfitimet që njerëzit pranojnë nga lidhja me markën Jackson, duke e quajtur këtë “ironike” për regjisorin Fuqua.
Nga ana e tij, Antoine Fuqua iu përgjigj kritikave me një deklaratë të shkurtër: “Ndonjëherë njerëzit bëjnë gjëra të këqija për para.”
Filmi jep një pasqyrim të ngritjes së Michael Jackson nga fëmijëri me Jackson 5 deri në kulmin e karrierës në vitet 1980, duke lënë jashtë periudhën e akuzave që Jackson i mohoi dhe për të cilat u lirua nga gjykata. Ndërkohë, debatet rreth mungesës së trajtimit të akuzave dhe fitimeve komerciale pritet të vazhdojnë në publik dhe media.
Top Channel
