Skandali me eskortat, avokatët e Calafiorit: Nuk ka asnjë lidhje me të gjithë këtë histori

Në orët e fundit janë publikuar emrat e një sërë lojtarësh që dyshohen se mund të kenë përfituar shërbime të tilla dhe mes tyre figuronte dhe emri i Riccardo Calafiorit i cili ka reaguar teksa i është drejtuar studios ligjore Conte.

Avokatët e kësaj studioje kanë dalë me një deklaratë duke mohuar në mënyrë kategorike përfshirjen e futbollistit të Arsenalit në të gjithë këtë histori.

 ‘Duam të nënvizojmë se emri i klientit tonë nuk shfaqet në asnjë akt të hetimit që është duke u zhvilluar për zotërinjtë Buttini-Ronchi dhe aktiviteteve të tyre, i cili duhet t’i vërë theksin të vetmes rrethanë objektive të njohur, dmth që Z.Calafiori nuk ka asnjë lidhje me të gjithë këtë-theksonin ndër të tjerat avokatët e futbollistit të Arsenalit

Ata shtuan se është vërtet shqetësuese fakti që iu publikua emri i Calafiorit në media

‘Edhe pse specifikohet se emri i Calafiorit nuk është rezultat i një kontrolli dokumentat, por një kërkim për fjalë kyçe sic theksohet në dekretin e kërkimit, është vërtetë shqetësues fakti që gjithsesi emri i tij u publikua, pavarësisht çdo kujdesi apo etike profesionale. Për më tepër, nuk ka interes publik për shpërndarjen  e një lajmi që vetëm i tillë nuk është, duke qenë se hetimi, për të cilin janë bërë publikime të pakujdesshme, nuk e prekin Z. Calafiori sepse absolutisht nuk ka asnjë lidhje-përfundojnë avokatët e futbollistit të Arsenalit.

Top Channel