Manchester City parakalon Arsenalin në krye të renditjes dhe Burnley bie zyrtarisht në Championship. Ky është verdikti që doli nga ndeshja e zhvilluar në Turf Moor në mbrëmjen e kësaj të mërkure mes këtyre dy skuadrave ku ai që fitoi ishte pikërisht Manchester City me rezultatin e ngushtë 1-0.
Manchester City ishte dominues në fushën e lojës në pjesën e parë të ndeshjes, por arriti të shënojë vetëm 1 gol, ai i shënuar nga Erling Haaland që në minutën e 5. Citizens i krijuan shanset e tyre por iu mungoi saktësia e zakonshme. Gjithsesi 45 minutat e para u mbyllën me avantazhin e Citizens 1-0. Edhe në pjesën e dytë Manchester City pati dëshirë për të shënuar një tjetër gol që do t’u jepte më shumë mundësi, ndërkohë që te Burnley pati minuta edhe për Armando Brojën që u aktivizua në minutën e 82 në vend të Flemming.
Gjithsesi në fund rezultati mbeti 1-0 për Manchester City që pas 34 javëve kampionat e sheh veten në krye të renditjes për një garë shumë të zjarrtë për titullin me Arsenalin në ndeshjet e mbetura, ndërsa Burnley i bashkohet Wolverhamptonit dhe sezonin e ardhshëm do të luajë një kategori më poshtë.
Top Channel
