Suedia mbyll 20 shkolla pas kërcënimeve për dhunë, Policia hap hetim për alarm sigurie në Borlänge 22/04 12:31
Kate Middleton ka ndarë një moment emocional gjatë një aktiviteti në Pallati Buckingham, ku përqafoi një burrë 88-vjeçar dhe përmbushi në mënyrë simbolike dëshirën e fundit të bashkëshortes së tij.
Ngjarja u zhvillua më 21 prill, gjatë një pritjeje të organizuar për 100-vjetorin e lindjes së Mbretëreshës Elizabeth. Aty, Princesha e Uellsit u takua me Tony Glenhill, i cili i tregoi se kishte humbur së fundmi bashkëshorten e tij dhe se ajo i kishte kërkuar para vdekjes të merrte pjesë në këtë event.
Në një video të publikuar nga media britanike, Kate Middleton shihet duke i mbajtur duart Glenhill-it dhe më pas duke e përqafuar ngrohtësisht, një moment që është komentuar gjerësisht për emocionalitetin e tij.
The Princess of Wales hugging George Cross hero Tony Gledhill, 88, today.
He looked emotional as he shared a moment with Catherine,
explaining afterwards that his wife had recently died – and she had told him he must attend the palace event before she died. pic.twitter.com/m4cQmJ87iR— Rebecca English (@RE_DailyMail) April 21, 2026
Sipas raportimeve, Glenhill është një ish-polic i dekoruar me Kryqin e George, i njohur për një rast të rrezikshëm gjatë detyrës, ku kishte ndihmuar në ndalimin e disa kriminelëve të armatosur.
Në eventin e mbajtur në Sallën e Mermertë të Pallatit Buckingham morën pjesë edhe anëtarë të tjerë të familjes mbretërore, përfshirë Mbreti Charles III, Mbretëresha Camilla dhe Princi William.
Kate Middleton u shfaq me një fustan ngjyrë vjollcë dhe bizhuteri nga koleksioni i Mbretëreshës Elizabeth, duke nderuar kujtimin e saj, ndërsa aktiviteti u zhvillua në shenjë respekti për mbretëreshën që ndërroi jetë në vitin 2022 pas 70 vitesh në fron.
Top Channel
