“Kjo është vetëm maja e ajsbergut”, Katari paralajmëron thellim të krizës ekonomike globale
20/04 12:45
Për të katërtën ditë radhazi, operacionet e shpëtimit pritet të vazhdojnë për balenën “Timi”, e cila ka mbetur e bllokuar në ujëra të cekëta të Detit Baltik për javë të tëra.
Rasti ka ngjallur interes dhe emocione të mëdha në Gjermani, ku opinioni publik po ndjek nga afër zhvillimet.
Balena më e madhe, e quajtur “Timi”, është vëzhguar prej kohësh në ujëra të cekëta, sipas ekipeve monitoruese. Ajo u gjet në vështirësi më 23 mars, duke nisur një operacion kompleks shpëtimi ku u përdorën edhe mjete të rënda. Fillimisht u arrit që të kthehej në det, por më pas u rikthye sërish në zona të tjera bregdetare.
A young humpback whale, named Timmy by rescuers, was struggling to find its way out of shallow bays off the Baltic coast of Germany after a week-long ordeal that has put its survival in doubt pic.twitter.com/rmrkcAPLwY
— Reuters (@Reuters) March 29, 2026
Ekspertët fillimisht vendosën të mos ndërhynin më tej, duke shpresuar që kafsha të kthehej vetë në ujëra më të thella. Megjithatë, gjendja e saj është përkeqësuar, me shenja të dukshme lodhjeje dhe një ritëm frymëmarrjeje të çrregullt.
Një iniciativë e re private shpëtimi nisi të enjten, pas disa përpjekjeve të mëparshme të pasuksesshme. Të shtunën, ekipet qëndruan pranë kafshës gjatë gjithë ditës, ndërsa një platformë lundruese u afrua në zonën ku ndodhet balena. Megjithatë, nuk u arrit transportimi i saj drejt Detit të Veriut me rimorkiator.
#Wal #Timmy #Ostsee #Poel #GunzforSecretary Quelle News5
Das Schönste seit Tagen. Er ist noch da, er lebt, er bebt, er will ❤️ pic.twitter.com/D5Ksn0guaW
— DΞЯ ΞISMДИИ (@E1Eismann) April 17, 2026
Veterinerja Janine Bahr van-Gemert deklaroi se po bëhen përpjekje të vazhdueshme për shpëtimin e saj, duke theksuar se “po bëjmë më të mirën që mundemi për balenën”.
Nga ana tjetër, ekspertë të tjerë kanë shprehur shqetësimin se kafsha ka nevojë për pushim dhe se ndërhyrjet e mëtejshme mund t’i shkaktojnë stres të rëndë. Organizata Sea Shepherd ka bërë thirrje që të ndalen ndërhyrjet, duke argumentuar se balena duhet të lihet e qetë në këtë fazë të ndjeshme.
Që më 1 prill, autoritetet gjermane kishin njoftuar ndërprerjen e përpjekjeve të mëparshme të shpëtimit, duke vlerësuar se kafsha mund të mos mbijetonte. Në rast të ngordhjes së saj, është planifikuar që trupi të dërgohet për analiza shkencore në një muze oqeanografik.
Ndërkohë, debati mes shkencëtarëve dhe ekipeve të shpëtimit vijon, mes shpresës për një mrekulli dhe frikës se ndërhyrjet mund të mos jenë më efektive në këtë fazë.
Top Channel
