Video/ Më në fund Asllani, shënon golin e parë për Besiktasin, por që nuk mundi ta evitonte humbjen 19/04 18:26
Situata u tensionua pas festimit të lojtarit portugez dhe Rabiot nën sektorin e ultrasve të Veronës.
Skena të shëmtuara në stadiumin “Bentegodi”. Gjatë ndeshjes midis Veronës dhe Milanit, nga tribuna veriore e tifozëve të Hellasit u dëgjuan brohoritje raciste kundër Mike Maignan dhe Rafael Leao. Thirrjet e turpshme raportohet se nisën që në fundin e pjesës së parë, të nxitura nga goli i parë i Milanit: Leao dhe Rabiot, dy figurat kyçe në avantazhin e kuqezinjve, festuan përpara ultrasve të Veronës, duke shkaktuar reagime të ashpra.
Ky nuk ishte një incident i izoluar, pasi situata u përsërit edhe në pjesën e dytë. Këtë herë, shënjestër e fyerjeve nuk ishte vetëm Leao, por edhe Maignan. Portieri francez u bë objekt i “vërshëllimave raciste” të tmerrshme pas çdo prekjeje të topit, ndërsa sulmuesi portugez u mbulua me fishkëllima në momentin e zëvendësimit. Kjo sjellje detyroi spikerin e stadiumit të ndërhynte për të dënuar aktet, duke paralajmëruar zyrtarisht për rrezikun e ndërprerjes së ndeshjes.
Mesazhi, i transmetuar në të gjithë stadiumin, erdhi pas një konsultimi në fushë me zyrtarët e Lega Calcio. Këta të fundit e konsideruan natyrën e thirrjeve që vinin nga “Curva Nord” drejt dyshes Leao-Maignan si qartësisht raciste, duke nisur procedurat standarde për raste të tilla.
Top Channel
