Rritet ritmi i armatimit në Iran, Garda Revolucionare: Po modernizojmë arsenalin më shpejt se më parë 19/04 17:58
Tensionet mes Iranit dhe Shteteve të Bashkuara të Amerikës vijojnë të përshkallëzohen, pas akuzave të forta nga Teherani për vendosjen e një bllokade detare.
Zëdhënësi i Ministrisë së Jashtme iraniane, Esmaeil Baqaei, deklaroi këtë të diel se bllokada e porteve iraniane nga SHBA përbën një shkelje të drejtpërdrejtë të marrëveshjes së armëpushimit të ndërmjetësuar nga Pakistani.
Në një reagim të publikuar në rrjetet sociale, Baqaei e cilësoi veprimin si “të paligjshëm dhe kriminal”, duke theksuar se masa bie ndesh me parimet e Organizata e Kombeve të Bashkuara dhe përbën një akt agresioni ndaj sovranitetit të Iranit.
Sipas tij, bllokada ka pasoja të drejtpërdrejta për popullsinë civile, duke e cilësuar situatën si “ndëshkim kolektiv”, që sipas autoriteteve iraniane përbën krim lufte dhe krim kundër njerëzimit.
Deklaratat vijnë në një moment delikat për rajonin, ku përpjekjet për ruajtjen e armëpushimit mbeten të brishta, ndërsa komuniteti ndërkombëtar nuk ka reaguar ende zyrtarisht ndaj këtyre akuzave.
Top Channel
