Guvernatori Sejko takim me shefin e ri të Misionit të FMN-së për Shqipërinë: Politika monetare do të orientohet drejt stabilitetit të çmimeve 16/04 19:06
Këtë sezon pranveror, tregu i fidanëve perimorë paraqitet me çmime të njëjta krahasuar me vitet e kaluara, duke ofruar një mundësi të favorshme për fermerët e bujqësisë.
Megjithatë, ndryshe nga pritshmëritë, interesi për blerjen e tyre mbetet i ulët. Shitësit në tregjet bujqësore shprehen se, pavarësisht uljes së çmimeve, kërkesa ka rënë ndjeshëm.
Sipas tyre, faktorë të ndryshëm si kostot e larta të prodhimit, mungesa e subvencioneve dhe pasiguria në tregun e shitjes së produkteve bujqësore kanë ndikuar në hezitimin e fermerëve për të investuar këtë sezon.
Për shkak të përmbytjeve në Berat dhe Lushnjë prodhimet e serave po dalin me vonesë në treg.
Fermerët po shesin një kg domate 170-200 lekë por shumë shpejt çmimi do bjere sepse do te dalin te gjitha prodhimet e serave te tjera.
Nga ana tjetër, shumë nga fermerët për shkak të përmbytjeve kanë kufizuar sipërfaqet e mbjella dhe kanë zgjedhur të mos rrezikojnë mbjelljet me kultura të reja.
Ata theksojnë se fitimet e pakta në vitet e fundit dhe mungesa e tregut të sigurt për prodhimet e tyre janë arsyet kryesore të këtij qëndrimi.
Top Channel
