Video/ Mbi 100 robotë përgatiten për gjysmëmaratonën e dytë humanoide në Kinë 15/04 20:19
Kabineti izraelit i sigurisë do të diskutojë një armëpushim të mundshëm me Libanin sot, sipas një burimi izraelit.
Takimi është planifikuar për në orën 8 të mbrëmjes sipas zonës kohore izrealite.
Diskutimi vjen një ditë pas bisedimeve të para të drejtpërdrejta midis Izraelit dhe Libanit në 40 vjet, të cilat u mbajtën në Uashington DC, nën ndërmjetësimin e administratës Trump.
Nën presionin amerikan, Izraeli ka zvogëluar ritmin dhe fushëveprimin e sulmeve në Liban, duke u përmbajtur nga sulmet ndaj kryeqytetit të Bejrutit në ditët e fundit.
Sulmet tani duhet të marrin miratimin në nivel politik. Megjithatë, Izraeli ka vazhduar të godasë ato që i quan objektiva të Hezbollahut në Libanin jugor.
Burimi izraelit tha se një nga idetë që po diskutohen është potenciali për një armëpushim të përkohshëm si një gjest pozitiv drejt negociatave me Libanin.
Pavarësisht ditës së parë të bisedimeve, Izraeli dhe Hezbollahu kanë vazhduar të shkëmbejnë zjarr.
“Nuk ka diskutim për armëpushim me Hezbollahun”, tha zëdhënësi i qeverisë izraelite David Mercer në një konferencë informative sot.
CNN raportoi më parë se Presidenti i SHBA-së Donald Trump dhe Kryeministri izraelit Benjamin Netanyahu patën të paktën tre telefonata javën e kaluar rreth Libanit.
Top Channel
