Reali i Madridit ja atribuon krizën arbitrave: Kanë deformuar dhe ndikuar në garë 11/04 20:32
Milani shkon drejt një krize serioze, duke rrezikuar tani një vend në zonën e Ligës së Kampionëve që dukej i sigurt deri pak ditë më parë. Kuqezinjtë u mundën 3-0 nga Udinese në “San Siro” në raundin e 32-të të Serie A, duke pësuar humbjen e tretë në katër ndeshjet e fundit, dhe tani rrezikojnë të kapen nga ata që i ndjekin në renditje.
Allegri zgjodhi të ndryshonte formacionin dhe fillimisht të mbështetej në një 4-3-3 (e parë disa herë në mes të ndeshjes në të kaluarën), duke u përqendruar te lojtarët e tij më me përvojë: Saelemaekers dhe Pulisiç formojnë treshen, me Leao përsëri në sulm. Portugezi, pati një pjesë të parë katastrofike, duke shpërdoruar çdo shans që shokët e tij të ekipit krijuan, ndërsa në anën tjetër, Zaniolo ofroi frymëzim për friulianët. Miqt kaluan në avantazh zhbllokuan ndeshjen në 1-0 në minutën e 27-të, kur Atta çoi drejt autogol Bartesaghi-t. Zaniolo më pas krosoi për me kokë dhe Ekkelenkampi çoi shifrat në 2-0 në minutën e 37-të, pasi Davis kishte goditur edhe traversën disa sekonda më parë. Kristensen iu afrua golit të tretë, me “San Siron” që kishte filluar të fishkëllente në pjesën e parë.
Allegri vendosi të aktivizoi menjëherë Fullkrug në fillim të pjesës së dytë (në vend të Athekame), duke e zhvendosur Saelemaekers në fushë. Belgu tentoi të gjente rrjetën me një gjuajtje të fuqishme me të djathtën në minutën e 51-të, por Okoye bëri një pritje të jashtëzakonshme dhe e përmbysi topin në traversë. Milani dukej më proaktiv, por Udinese goditi përsëri në kundërsulm. Atta çoi topin aty ku Maignan nuk e arrinte dhe vulosi rezultatin në 3-0. Vërshëllimat e forta nga tifozët e “San Siro”-s, ndërkohë që pas largimit të Leao në minutën e 77-të situata u bë më e qetë. Udinese fitoi kështu 3-0 dhe u ngjit në kuotën e 43 pikëve, duke e lënë Milanin të bllokuar në 63. Tani Como dhe Juventus mund të ngushtonin diferencën me kuqezinjtë, duke i tërhequr ata në garën e Ligës së Kampionëve.
Top Channel
