Liverpool po përjeton një periudhë lamtumirash. Pas Mohamed Salah, ai që do të largohet nga skuadra e The Reds është Andy Robertson që pas 9 sezonesh e mbyll përfundimisht aventurën në Anfield.
Klubi kampion i Anglisë konfirmoi gjithçka në një komunikatë për shtyp.
‘Mund të konfirmojmë se Andy Robertson do të mbyllë karrierën e tij me The Reds në fund të këtij sezoni-theksohet në njoftimin e Liverpool në rrjetet sociale
Andy Robertson i përfundon kontrata me Liverpool në muajin qershor me futbollistin që vendosi të mos e rinovojë atë duke i dhënë kështu fund eksperiencës së tij 9 vjecare me fanelën e The Reds
Andy Robertson gjatë këtyre 9 sezoneve me Liverpool ka pasur një rol shumë të rëndësishëm në sukseset e skuadrës. I transferuar në Anfield nga Hull city në 2017, ai ka zhvilluar 373 ndeshje në total me Liverpoolin duke fituar 2 tituj në Premier League, 1 Ligë Kampionesh, FA Cup dhe 2 Kupa të Ligës, po kështu ka fituar edhe Botërorin e Klubeve, Superkupën Evropiane dhe Community Shield. Pavarësisht konfirmimit për largimin e tij, Robertson mbetet i fokusuar te ndeshjet e mbetura të sezonit për të ndihmuar Liverpoolin për ta mbyllur atë në mënyrën më të mirë të mundshme.
We can confirm Andy Robertson will bring his Reds career to an end at the conclusion of the current season.
He will do so as a Liverpool legend ❤️
— Liverpool FC (@LFC) April 9, 2026
Top Channel
