Keir Starmer niset drejt Gjirit, presion për rihapjen e Ngushticës së Hormuzit pas armëpushimit SHBA-Iran 08/04 09:46
Carla Bruni u shfaq larg imazhit të saj të zakonshëm joshës, teksa ishte në krah të bashkëshortit të saj, Nicolas Sarkozy, në gjykatën e apelit në Paris të martën.
Ish-modelja u paraqit me një pamje të thjeshtë, duke mbajtur grim minimal, një kostum të zi dhe atlete të bardha, ndërsa hyri në Pallatin e Drejtësisë nën shoqërinë e forcave të policisë. Në duar mbante vetëm syzet e diellit dhe telefonin celular.
Sipas raportimeve të Daily Mail, paraqitja e saj ishte dukshëm ndryshe nga ajo e tetorit të kaluar, kur ajo shoqëroi Sarkozy-n gjatë transferimit të tij drejt burgut La Santé.
Carla Bruni au côté de Nicolas Sarkozy pour son retour au tribunal : sur les images de son apparition, un détail saute aux yeux
➡️ https://t.co/UcdAqUXftF pic.twitter.com/zWz6TWTXYK— Gala (@GALAfr) April 7, 2026
Ish-presidenti francez u dënua vitin e kaluar me pesë vite burg për konspiracion kriminal, në lidhje me një skemë të dyshuar financimi të fushatës së tij zgjedhore nga regjimi i Muammar Gaddafi. Me këtë vendim, ai u bë ish-kreu i parë i një shteti të Bashkimit Europian dhe lideri i parë francez i pasluftës që përfundon në burg.
Pas rreth 20 ditësh të kaluara në një burg në Paris, të cilat ai i përshkroi si “rraskapitëse” dhe “të tmerrshme”, Sarkozy u lirua në nëntor, në pritje të procesit të apelit. Ndërkohë, ai ka publikuar edhe një libër mbi përvojën e tij në burg.
Top Channel
