Nga skena te familja dhe kapitulli i ri në Amerikë, Afërdita Zonja rrëfen jetën dhe njohjen me gazetarin e njohur: Me Arturin kemi qenë shokë të ngushtë, s’e kuptuam kur… 06/04 12:31
Shiloh, vajza 19-vjeçare e Brad Pitt dhe Angelina Jolie, bëri debutimin e saj si balerinë në videoklipin e këngës K-pop ‘What’s A Girl To Do’ nga Dayoung, e cila u publikua të martën në kanalin zyrtar të Starship Entertainment në YouTube.
Në videoklip, Shiloh shihet me stil të veçantë, duke mbajtur një top prej dantelle dhe pantallona të gjera, ndërsa bashkohet me një grup kërcimtarësh mbështetës.
Sipas përfaqësuesve të Starship Entertainment, Shiloh mori pjesë përmes një audicioni të hapur në Shtetet e Bashkuara dhe u zgjodh në raundin final, pa e ditur askush se ishte vajza e Jolie dhe Pitt deri pas përfundimit të xhirimeve.
Shiloh duket se ka një pasion të madh për kërcimin dhe ka ndjekur orë vallëzimi në Los Angeles, përfshirë punën me koreografin Kolanie Marks në Millennium Dance Complex.
Marks ka vlerësuar përkushtimin dhe disiplinën e saj, duke theksuar se ajo nuk kërkon të lidhet me famën e prindërve të saj, por përqendrohet vetëm te vallëzimi.
Edhe Angelina Jolie ka shpjeguar më parë se fëmijët e saj nuk janë të interesuar të ndjekin karrierën e saj në ekran. Ajo ka thënë se Shiloh dhe motrat dhe vëllezërit e saj kanë interesa të ndryshme artistike, por nuk dëshirojnë të jenë pjesë e mediave apo të famës.
Shiloh tani përdor emrin ligjor Shiloh Nouvel Jolie, pas vendimit për ta ndryshuar atë në ditëlindjen e saj të 18-të, duke lënë mënjanë mbiemrin Pitt.
Top Channel
