Kryeministri Orban viziton gazsjellësin ‘TurkStream’ në kufirin hungarezo-serb: Po kontrollojmë nëse çdo gjë është në rregull 06/04 18:59
Një grua dhe vajza e saj humbën jetën dhe 4000 persona u evakuuan nga shtëpitë e tyre pasi një digë në republikën ruse të Dagestanit u shkatërrua për shkak të shirave të rrëmbyeshëm, tha të premten Ministria Ruse e Mbrojtjes Civile.
Rreth 2000 shtëpi janë përmbytur në rajonin e Derbentit në Detin Kaspik. Trupat e gruas dhe vajzës së saj janë gjetur, por fati i të tjerëve mbetet i panjohur.
Makhachkala, kryeqyteti i Dagestanit, u godit gjithashtu nga përmbytjet, teksa disa komplekse apartamentesh janë në rrezik shembjeje, sipas faqes rajonale të lajmeve Golos Dagestana (Zëri i Dagestanit).
Videot në mediat sociale tregojnë ndërtesa të zhytura përgjatë një ure të shembur në autostradën Kavkaz, e cila është strategjikisht e rëndësishme për rajonin.
On March 28, heavy rains begin in Russia’s republic of Dagestan. They flooded power infrastructure and trigged a state of emergency.
By April 5, a dam breach in the Derbent district forced the evacuation of over 4 000 people. Floodwaters and landslides continue to spread,… pic.twitter.com/1u9mHk1PYm
— Chay Bowes (@BowesChay) April 6, 2026
Autoritetet rajonale kanë ngritur strehimore emergjente dhe po përdoren helikopterë. Ministria tha se shira të mëtejshëm mund të godasin rajonin, me erëra me shpejtësi mbi 120 km/orë. Autoritetet thanë se priten edhe rrëshqitje dheu.
Shirat e rrëmbyeshëm kanë goditur edhe rajonin e Kaukazit të Veriut që nga fundi i marsit. Përmbytjet e nënstacioneve të energjisë kanë shkaktuar ndërprerje të energjisë elektrike në gati 20 rajone të Dagestanit.
Gjendja e jashtëzakonshme është shpallur në Makhachkala, Khasavyurt, Kaspiysk dhe Derbent.
Në fund të marsit, përmbytjet çuan në evakuimin e më shumë se 3300 personave nga rajoni, ndërsa u raportua se 3500 shtëpi ishin përmbytur. Autoritetet kishin thënë në atë kohë se dëmi arriti në 50 milionë dollarë, por kjo shifër tani ka të ngjarë të rritet ndjeshëm.
Top Channel
