Zbulohen identitetet e pilotëve që humbën jetën në përplasjen e avionit në Nju Jork, njëri prej tyre ishte në fillimet e karrierës 24/03 19:05
Një zyrtar i lartë i Departamentit të Shtetit të SHBA-së tha të martën se Shtetet e Bashkuara po shqyrtojnë ende se si ta zbatojnë urdhrin e Presidentit Donald Trump për të rifilluar testimet e armëve bërthamore në SHBA.
Nënsekretari i Shtetit për Kontrollin e Armëve dhe Sigurinë Ndërkombëtare, Thomas DiNanno, i tha një komisioni të Senatit se deri më tani nuk ka pasur diskutime rreth kryerjes së testeve bërthamore atmosferike.
SHBA-të nuk kanë kryer një provë të armëve bërthamore në atmosferë që nga viti 1962.
Megjithatë, DiNano nuk e përjashtoi mundësinë që SHBA-të të rifillonin testet nëntokësore të armëve bërthamore shpërthyese, të fundit prej të cilave SHBA-të i kryen në vitin 1992.
“Ne nuk kemi marrë ndonjë vendim specifik se si do të duket ndonjë program testimi”, tha DiNano.
Komentet e DiNannos erdhën në përgjigje të një pyetjeje se si po zbatohet direktiva që Trump lëshoi në tetor për të rifilluar testimet bërthamore.
Ai përsëriti akuzat e SHBA-së se Rusia dhe Kina kanë kryer teste bërthamore nëntokësore shpërthyese, të cilat Moska dhe Pekini i mohojnë dhe disa ekspertë i kanë kundërshtuar.
“Kjo krijon një disavantazh të papranueshëm për Shtetet e Bashkuara që nuk kryejnë testime,” tha ai.
Top Channel
