Mbi një mijë viktima në tre javë, Libani publikon shifrat shqetësuese që nga fillimi i luftës 24/03 17:50
Kuvendi i Shqipërisë ka mbyllur aplikimet për Komisionerin e ri për Mbrojtjen nga Diskriminimi.
Në listën e kandidatëve është Alfred Balla, ish drejtues i Këshillit të Lartë të Prokurorisë, dhe Genta Tafaj, ish drejtuese e vettingut, ndërsa gjithsej në garë janë 7 emra.
Kuvendi hap garën për këtë post për herë të dytë, ndërsa vitin e kaluar, kur gara u hap, kandidoi edhe gjyqtarja kushtetuese, Sonila Bejtja.
Por PD njoftoi nga Kuvendi përmes Gazment Bardhi se ajo ishte tërhequr nga gara, dhe se i duhej të qëndronte në Gjykatën Kushtetuese deri kur t’i vinte zëvendësuesi.
Kreu i grupit demokrat hodhi poshtë zërat se ishte bërë një “Pazar politik” që gjyqtarja e afërt me opozitën, të merrte postin me mandat 5 vjeçar. Por pavarësisht kësaj, as PS dhe as PD, nuk ju dhanë firma mbështetëse të gjithë kandidatëve të tjerë nga garë, duke e djegur procesin.
Gara u hap prapë me firmë të Jorida Tabakut. Ndërkohë nuk është pjesë e aspirantëve gjyqtarja Bejtja, e cila mban karrigen në Kushtetuese.
Lista e plotë e kandidatëve:
Alfred Balla, Brunilda Menalla, Rozeta Ivanova, Genta Tafaj, Ermonela Xhafaj, Brikena Luto, Sonila Hysi Ruka.
Top Channel
