Rusia dhe Ukraina këmbejnë sulme me dronë pas bisedimeve SHBA-Ukrainë në Floridë 23/03 16:19
Dita e sotme është shoqëruar me zhvillime në Lindjen e Mesme, ndërsa presidenti amerikan Donald Trump pretendon të ketë zhvilluar bisedime produktive me Teheranin.
Presidenti i SHBA, Donald Trump, njoftoi se Shtetet e Bashkuara dhe Irani zhvilluan “biseda produktive” gjatë fundjavës, dhe se ai do të pezullojë sulmet ushtarake kundër centraleve të energjisë iraniane për një periudhë pesë-ditore.
Çmimet e naftës ranë ndjeshëm pasi presidenti i SHBA, Donald Trump, sugjeroi se bisedimet e vazhdueshme me Iran mund të çojnë drejt përfundimit të konfliktit në Lindjen e Mesme.
Nga ana tjetër Irani ka mohuar të ketë zhvilluar ndonjë dialog me SHBA, duke i hedhur poshtë pretendimet e presidentit Donald Trump si një përpjekje për të ulur çmimet e energjisë dhe për të fituar kohë për plane ushtarake.
Po ashtu pak minuta pas deklaratës së Trump, ushtria izraelite njoftoi se po kryente sulme ndaj objektivave të regjimit iranian në “zemër të Teheranit”.
Përditësimet LIVE, 23 mars:
Presidenti i SHBA, Donald Trump, deklaroi se Ngushtica e Hormuzit do të “hapet shumë shpejt”, duke shtuar se do të dëshironte që kjo rrugë jetësore e transportit detar të vihej nën kontroll të përbashkët mes SHBA-së dhe Iran.
Aeroplanmbajtësja amerikane me energji bërthamore “USS Gerald R. Ford”, më e madhja në botë, mbërriti në bazën detare të Sudës në Kretë, pas një periudhe të gjatë operacionale në Lindjen e Mesme.
Ushtria izraelite njoftoi se po kryente sulme ndaj objektivave të regjimit iranian në “zemër të Teheranit”, vetëm pak momente pasi presidenti i SHBA, Donald Trump, pretendoi se SHBA dhe Iran kishin zhvilluar “biseda produktive” me qëllim t’i jepnin fund luftës.
Irani ka mohuar të ketë zhvilluar ndonjë dialog me SHBA, duke i hedhur poshtë pretendimet e presidentit Donald Trump si një përpjekje për të ulur çmimet e energjisë dhe për të fituar kohë për plane ushtarake.
Kryeministri izraelit Benjamin Netanyahu nuk ka reaguar pas njoftimit të presidentit të SHBA, Donald Trump, për një armëpushim pesë-ditor në sulmet ndaj objekteve energjetike iraniane, në kontekstin e bisedimeve produktive me Iran.
13:08 Deklarata e Trump për bisedimet produktive me Teheranin, bien ndjeshëm çmimet e naftës bruto ‘Brent’
Çmimet e naftës ranë ndjeshëm pasi presidenti i SHBA, Donald Trump, sugjeroi se bisedimet e vazhdueshme me Iran mund të çojnë drejt përfundimit të konfliktit në Lindjen e Mesme.
Presidenti i SHBA, Donald Trump, njoftoi se Shtetet e Bashkuara dhe Irani zhvilluan “biseda produktive” gjatë fundjavës, dhe se ai do të pezullojë sulmet ushtarake kundër centraleve të energjisë iraniane për një periudhë pesë-ditore.
12:11 Izraeli gati për luftë të zgjatur, Irani sfidon Trump: Do minojmë të gjithë Hormuzin
Teherani iu përgjigj ultimatumit të Donald Trump me kërcënimin se tani, do te minoje krejtësisht Ngushticën e Hormuzit. “Këtë herë, së bashku me ngushticën e Hormuzit, i gjithë Gjiri Persik do të bllokohet praktikisht, dhe përgjegjësia për këtë do të bjerë mbi palën kërcënuese: Kjo është hakmarrja e paralajmëruar nga Gardianët e Revolucionit, apo Pasdaranët, siç njihen ndryshe, nëse presidenti amerikan urdhëron vërtet bombardimin e centraleve elektrike iraniane me skadimin e afatit që përfundon sot.
Kremlini ka paralajmëruar për pasoja të pariparueshme në rast sulmesh ndaj centraleve bërthamore iraniane. Zëdhënësi i presidentit rus, Dmitry Peskov, deklaroi se Rusia beson se çdo sulm ndaj objekteve bërthamore në Iran mund të ketë pasoja të pariparueshme.
11:23 Washington Post: Mojtaba Khamenei nuk ka vdekur, është i plagosur dhe i izoluar
Udhëheqësi Suprem i Iranit, Mojtaba Khamenei, është i plagosur, i izoluar dhe nuk u përgjigjet mesazheve që i janë dërguar, raportoi të hënën në mëngjes gazeta Washington Post, duke cituar zyrtarë amerikanë dhe izraelitë.
Një zyrtar i lartë nga Emiratet e Bashkuara Arabe ka kritikuar kombet “e mëdha” arabe dhe islamike për dështimin në mbështetjen e vendeve arabe të Gjirit në “kohë të vështira”.
Qeveria e Mbretëria e Bashkuar është “shumë e vetëdijshme” se mund të nevojitet mbështetje shtesë për familjet dhe bizneset, ndërsa çmimet e karburantit vijojnë të rriten për shkak të luftës në Lindjen e Mesme.
Këshilli i Mbrojtjes, organi më i lartë i sigurisë në Iran, deklaroi se e vetmja mënyrë që vendet jo-armiqësore të kalojnë përmes Ngushtica e Hormuzit është përmes koordinimit me Iranin.
Në një moment kur çmimet e benzinës dhe naftës po kapnin shifrën rreth 2.1 euro për litër në qytetet e mëdha dhe shumë më tepër në rrethe apo ishuj, qeveria greke shpalli një paketë të re masash për të përballuar rritjen e vazhdueshme të tyre , si pasojë e tensioneve dhe luftës në Lindjen e Mesme.
Top Channel
