Play off-i i Botërorit me Kombëtaren shqiptare, Polonia nisi përgatitjet me mungesa 23/03 20:58
Ish trajneri i Liverpool, aktualisht përgjegjës i i futbollit global për Red Bull, Jurgen Klopp vendosi që qartësojë zërat që po qarkullojnë rreth tij dhe largimit të parakohshëm nga kjo kompani dhe një kthimi të mundshëm në rolin e trajnerit.
Në fakt së fundmi emri i tij është lidhur me atë të kombëtares gjermane dhe të Realit të Madridit me Klopp që i përgënjeshtroi këto zëra.
‘Në këtë moment nuk po e mendoj aspak dhe nuk kam asnjë motiv për ta bërë-tha 58 vjeçari në Ismaning, pranë Mynihut teksa komentoi largimin e mundshëm të Julian Nagelsmann nga pankina e Die Mannschaft.
Por edhe pse e përjashtoi kthimin e menjëhershëm në pankinë, Jurgen Klopp e la të hapur mundësinë që një gjë e tillë të ndodhë në të ardhmen.
‘Nuk jam ende në fundin e karrierës, nuk e kam mbushur moshën e pensionit. Kushedi se çfarë do të ndodhë në vitet e ardhshme-shtoi Klopp-por për momentin nuk parashikoj asgjë’. Po kështu tekniku gjerman hodhi poshtë zërat edhe për një kalim të tij te Reali i Madridit apo largimin nga Red Bull në muajt e verës.
‘Kush e thotë nuk e kupton futbollin-tha Klopp-nuk më kanë kontaktuar as mua e as agjentin tim. Është e gjitha një tymnajë’
Jurgen Klopp mori detyrën e Përgjegjësit të Futbollit Global për Red Bull në 1 janar të 2025 dhe kontrata e tij skadon në vitin 2029. Në krahun tjetër, vetë drejtuesit e grupit kanë konfirmuar se janë të kënaqur me punën e tij.
Top Channel
