Që forca e lidershipit të Carlo Ancelottit bazohej te dialogu kjo dihej, por gjithsesi është interesante dhe didaktike në të njëjtën kohë të vëzhgosh se si kjo mënyrë e menaxhimit të grupit nga Ancelotti gjen shprehjen më të mirë edhe në situata të një stresi të madh emotiv, siç është një finale e Ligës së Kampioneve
Është ky rasti i finales së vitit 2024 mes Borussias së Dortmundit dhe Realit të Madridit në Wembley të Londrës dhe në pushimin e pjesës së parë që ishte mbyllur 0-0. Në fundin e 45 minutave të para, Toni Kroos foli me Davide Ancelottin, djalin dhe njëkohësisht asistentin e trajnerit emilian duke i shpjeguar se ai dhe Mendy, mbrojtësi i majtë ishin në inferioritet numerik në atë krah pasi në skemën 4-3-3 të Dortmundit që drejtohej nga Terzic në atë kohë, ishin Ryerson, Sancho të ndihmuar nga Sabitzer kundër vetëm dy lojtarëve të Los Blancos. Dhe e gjithë kjo për shkak të vendosjes me skemën e rombit të Ancelottit me Bellingham në mbështetje të dyshes Vinicius-Rodrygo
Kur Ancelotti nis të shpjegojë atë çfarë duhet të ndryshojë, kuptohet se ai ka marrë sinjalizimet e Kroos dhe foli me kapitenin Carvajal, mbrojtësin e djathtë që në fakt ndërhyri duke thënë së se në mbrojtje kishin probleme në menaxhimin e hapësirës përpara qendërmbrojtësve dhe pas 3 mesfushorëve. Ancelotti, me një qetësi olimpike, sugjeron mënyrën si duhet të vendoseshin në fazën mbrojtëse duke dhënë disa opsione; me kalimin në krah të një prej sulmuesve me një mesfushë të ndihmuar nga Bellingham ose me skemën klasike 4-4-2. Pastaj shpjegoi se ishte rasti që të pritej Borussia Dortmund me një bllok më poshtë pasi u rrezikua shumë në pjesën e parë dhe se ishte rasti që të shfrytëzoheshin më shumë hapësirat e lëna nga kundërshtari ndaj Rudiger në këtë sistem të kalimit në krahë që u krijua. E njëjta gjë që u vu re nga Kroos në diskutimin me Davide
Një leksion i pastër në futboll, ku forca teknike dhe ajo mentale e një trajneri fitues ndërthuret me vetëdijen e futbollistëve të jashtëzakonshëm.
🗣️ ¡La BRUTAL REUNIÓN de CONSENSO de ANCELOTTI y sus JUGADORES en el descanso de la FINAL! #UCL
👉 Carvajal y Nacho compartieron sus impresiones con el míster para conseguir la 15ª.
Vía: ‘Real Madrid TV’
¡Nos vemos a las 12 de la noche en MEGA! pic.twitter.com/xIFgLRGJLs
— El Chiringuito TV (@elchiringuitotv) March 16, 2026
Top Channel
