Manchester United rikthehet te fitorja në Premier League dhe i imponohet Aston Villas 15/03 17:46
Ndeshja Argjentinë-Spanjë ishte planifikuar për më 27 mars në Katar, por nuk është gjetur asnjë vend apo datë alternative. UEFA ka deklaruar: “Nuk ka marrëveshje me AFA-n”.
Finalja e vitit 2026 është pezulluar. Ndeshja midis Argjentinës dhe Spanjës, fituese të Kupës së Botës 2022 dhe Kampionatit Evropian 2024, nuk do të luhet, siç njoftoi UEFA në një deklaratë zyrtare. Fillimisht e planifikuar për 27 mars në Katar, në stadiumin Lusail, u mor vendimi për ta shtyrë ndeshjen për shkak të luftës në Lindjen e Mesme. Megjithatë, UEFA shpjegoi, “me zhgënjim të madh”, se nuk ishte e mundur të arrihej një marrëveshje me Argjentinën për një datë alternative .
Mundësitë e tjera kishin dal në pah ditët e fundit, duke filluar me Madridin, të cilin Federata Argjentinase e Futbollit e kundërshtoi sepse kjo do të thoshte që Spanja do të luante në shtëpi. San Siro, Londra ose Lisbona, stadiume të tjera që kishin qenë kandidatë për të pritur ndeshjen kundër Leo Messit dhe Lamine Yamal, gjithashtu nuk kishin mundësi.
Deklarata zbulon se refuzimet e Argjentinës ishin të ndryshme. Së pari, ata refuzuan Bernabeun, pastaj ndeshjen e dyfishtë (së pari në Bernabeu dhe më pas në Buenos Aires), më pas shprehën hapur mundësinë e zhvendosjes së ndeshjes në 31 mars dhe së fundmi, ranë dakord të luanin vetëm më 31 mars, duke hequr dorë nga data origjinale e 27 marsit. Spanja gjithashtu hodhi poshtë një propozim: Federata Argjentinase e Futbollit kishte propozuar që Finalja e vitit 2026 të luhej pas Kupës së Botës në SHBA, Meksikë dhe Kanada, por RFEF nuk kishte data të disponueshme.
Top Channel
