Formula 1/Ferrari, sërish kundër Mercedes, kërkon ndërhyrjen e FIA 02/04 13:31
Kampionati Botëror i Formula 1 2026 është gati të fillojë.
Një nga sezonet më të diskutueshme dhe më të përfolura të viteve të fundit do të fillojë në Melburn: ndryshimet në rregullore dhe njësitë e reja të fuqisë janë një sasi e panjohur. Megjithatë, disa po tregojnë një farë optimizmi, të sigurt se do të bëjnë më mirë se vitin e kaluar. “Viti i kalit (sipas kalendarit kinez) ofron mundësinë për një rilindje dhe nga pikëpamja teknike në F1 të gjithë po fillojnë nga e para. Nuk ka asgjë më emocionuese, është e bukur.” Ai pilot është Lewis Hamilton.
Një vit i mirë?
Në një intervistë p[r Corriere della Sera, piloti anglez kishte disa fjalë të ëmbla për ekipin e tij: “Vetëm dy njerëz në botë ngasin një Ferrari në F1, dhe unë jam njëri prej tyre.” Hamilton më pas iu drejtua drejtpërdrejt tifozëve, duke thënë: “Empatia e tyre në ditë të mira dhe të këqija është e pabesueshme. Nuk mund të premtojmë asgjë, por vetëm një xhiro këtu (n[ Maranello) është e mjaftueshme për të vlerësuar përpjekjet e mëdha të çdo personi të vetëm.” Ai gjithashtu komentoi për makinën e re të garave: “Kam punuar në makinën e vitit 2026 për 14 muaj, në simulator dhe me inxhinierët. Krahasuar me atë të mëparshmen, të cilën e gjeta tashmë të projektuar, dhe mund të ndryshoja shumë pak, kjo makinë ka pak nga ADN-ja ime në të, dhe jam i emocionuar për këtë .”
Marrëdhënia e tij me Leclerc
Ai foli edhe për marrëdhënien e tij me shokun e tij të skuadrës Charles Leclerc ” Qëllimi im nuk është të ndaj tifozët, të dy duam të fitojmë dhe është e qartë se do të doja të isha unë ai që do ta bënte këtë dhe po punoj drejt kësaj. Por skuadra vjen e para. Charles është një pilot fenomenal për sa i përket mënyrës se si piloton, etikës së tij dhe nuk udhet harruar ai ka qenë këtu për tetë vjet.” Megjithatë, Lewis ka një siguri për këtë sezon: ” Pas asaj që kaluam vitin e kaluar, mund të përballemi me çdo situatë. Kjo skuadër ka gjithçka që duhet për të fituar, duhet ta përfundojmë punën së bashku me tifozët. Më e lehtë të thuhet sesa të bëhet, por erdha te Ferrari sepse besoja në të dhe ende besoj në të.”
Top Channel
