Përdhunoi dhe torturoi deri në vdekje Marigona Osmanin, jepet dënimi përfundimtar për Dardan Krivaçën 27/02 20:30
Kryeministri i Kosovës, Albin Kurti në mbledhjen e Këshillit të Përgjithshëm të partisë që drejton, Lëvizjes Vetëvendosje ka diskutuar çështjen e zgjedhjes së presidentit të vendit.
Kurti tha se Murat Jashari, është figura ideale për kreun e shtetit të Kosovës në këtë periudhë.
Të shtunën, Partia Demokratike e Kosovës njoftoi se i ka kërkuar Kurtit që zgjedhja e presidentit të bëhet nga propozimi i saj.
Për këtë çështje, Kurti propozoi garë të hapur me propozime nga secili subjekt politik.
Albin Kurti, njoftoi se të hënën do të takojë kryetarin e Lidhjes Demokratike të Kosovës, Lumir Abdixhikun me të cilin do të diskutojë çështjen e presidentit. E nëse edhe LDK-ja pajtohet të propozojë kandidatë për president, Kurti tha se edhe Vetëvendosje do ketë një emër.
Presidenti i ri i Kosovës duhet të zgjidhet më së largu deri më katër mars, nëse kjo nuk bëhet, vendi shkon në zgjedhje të reja.
Presidentja aktuale Vjosa Osmani, ish-kryetari i AAK-së, Ramush Haradinaj dhe ish-ministri, Arsim Bajrami, kanë shprehur dëshirën për të garuar, por asnjë prej tyre nuk ka zyrtarizuar kandidaturën me 30 nënshkrimet e kërkuara nga Kushtetuta.
Top Channel
