“Makth” i bardhë në Nju Jork dhe paralajmërime për stuhi dëbore, anulime fluturimesh dhe rekomandime për të kufizuar udhëtimet 23/02 08:32
Një operacion i gjerë ushtarak në shtetin perëndimor të Jalisco ka çuar në vdekjen e Nemesio Oseguera-s, i njohur si “El Mencho”, udhëheqës i kartelit të fuqishëm Jalisco New Generation Cartel (CJNG).
Autoritetet meksikane konfirmuan se 59-vjeçari u plagos rëndë gjatë një shkëmbimi zjarri me ushtrinë dhe ndërroi jetë teksa po transportohej me helikopter drejt Mexico City.
Operacioni dhe përplasjet e armatosura
Sipas Ministrisë së Mbrojtjes së Meksikës, në operacion u vranë shtatë anëtarë të kartelit, u plagosën tre ushtarë dhe u arrestuan dy persona të tjerë të dyshuar si pjesë e CJNG-së. Forcat e sigurisë sekuestruan gjithashtu armë të rënda, përfshirë raketahedhës të aftë për të goditur avionë dhe automjete të blinduara.
Última Hora: Fuentes federales indican que el líder del Cartel Jalisco Nueva Generación (CJNG), Nemesio Oseguera Cervantes alias "El Mencho", habría sido abatido por fuerzas federales en Jalisco.
La DEA ofrecía 15 millones de dólares por su captura. pic.twitter.com/RIV7zkibcO
— Entorno.Mexico (@EntornoMexico_) February 22, 2026
Operacioni u zhvillua mes presionit në rritje nga Shtetet e Bashkuara ndaj qeverisë së presidentes Claudia Sheinbaum për të intensifikuar goditjen ndaj karteleve të drogës. Autoritetet amerikane kishin ofruar informacion shtesë për lokalizimin e Oseguera-s.
🔴 La autopista México – Puebla fue cerrada en el kilómetro 79 debido a un incendio provocado por supuestos delincuentes del CJNG, en respuesta a la muerte de su líder, El Mencho. pic.twitter.com/1roc14V4OU
— El Sol de México (@elsolde_mexico) February 22, 2026
Valë dhune në disa shtete
Menjëherë pas operacionit, shpërthyen akte dhune në të paktën gjashtë shtete. Persona të armatosur dogjën automjete, bllokuan autostrada dhe ngritën postblloqe, kryesisht në veri dhe perëndim të vendit. Në Guadalajara u raportuan të shtëna pranë aeroportit ndërkombëtar dhe terminalet u evakuuan, ndërsa ndërprerje pati edhe në Puerto Vallarta.
▶️ Abaten a ‘El Mencho’: ¿Quién era? ¿Qué representa su ausencia para el CJNG? ¿Dónde fue el operativo?
📺 Todo lo que se sabe sobre su muerte en #MILENIONoticias pic.twitter.com/4akZsXDbIq
— Milenio (@Milenio) February 22, 2026
Disa kompani ajrore, përfshirë Air Canada, United Airlines dhe American Airlines, pezulluan përkohësisht fluturimet drejt zonave të prekura. Ambasada amerikane në Meksikë u bëri thirrje qytetarëve të kërkojnë strehim të sigurt.
Një figurë kyçe e krimit të organizuar
Oseguera, i lindur në vitin 1966 në shtetin e Michoacan, kishte kaluar nga emigrant në SHBA dhe ish-oficer policie në një nga figurat më të fuqishme të krimit të organizuar në Meksikë. Ai themeloi CJNG-në pas përçarjeve me kartelin Milenio dhe shpalli luftë ndaj Sinaloa Cartel, i lidhur me Joaquín “El Chapo” Guzmán.
🚨BREAKING: Puerto Vallarta has ERUPTED into full-scale cartel violence following the reported killing of El Mencho, kingpin of the Jalisco New Generation Cartel (CJNG), by Mexican forces today.
Roads blocked with burning vehicles, car bombings reported, thick smoke over the… pic.twitter.com/G51fJ2W2eu
— Walter Curt (@wcdispatch) February 22, 2026
Sipas Departamentit amerikan të Shtetit, CJNG operon në pothuajse të gjithë territorin meksikan dhe është e përfshirë në trafik droge, zhvatje, trafikim njerëzor, vjedhje nafte dhe armësh. SHBA kishte vendosur një shpërblim prej mbi 15 milionë dollarësh për kapjen e “El Mencho”.
Frikë për përshkallëzim
Ekspertët paralajmërojnë se vdekja e tij mund të sjellë një valë të re përplasjesh për kontrollin e territorit dhe rrjeteve të trafikut. Që nga viti 2006, rreth 450 mijë persona kanë humbur jetën në Meksikë si pasojë e dhunës së lidhur me kartelet, ndërsa mbi 100 mijë rezultojnë të zhdukur.
Autoritetet mbeten në gatishmëri të lartë, ndërsa qeveria përpiqet të parandalojë destabilizim të mëtejshëm pas eliminimit të një prej figurave më të kërkuara të krimit në rajon.
Top Channel
