Ndeshja Juventus-Galatasaray mund të zhvillohet pa Osimhen në fushë, pasi arsyeja mund të jetë tjetër përveç problemeve të tij fizike.
Përpara sfidës kundër Konyaspor, sulmuesi nuk u grumbullua, dhe mediat turke raportojnë se kjo nuk lidhet vetëm me dhimbjet në gjurin e djathtë që Osimhen i ka thënë trajnerit Okan Buruk. Sipas “Hurriyet”, sulmuesi nuk ka marrë ende pagat e janarit dhe shkurtit, duke u shprehur i pakënaqur.
Kjo situatë ekonomike mund të ndikojë edhe në pjesëmarrjen e tij në ndeshjen e Champions League, një takim shumë i rëndësishëm për arkën e Galatasarayt, e cila nuk do të donte të luante pa lojtarin më të rëndësishëm të skuadrës.
Osimhen është lojtari më i paguar në Super Ligën turke, me një pagë neto prej 15 milionë eurosh në vit, që mund të shkojë deri në 21 milionë euro duke përfshirë bonuset. Situata mbetet e ndjeshme dhe tifozët presin zhvillimet e ardhshme përpara sfidës kritike ndaj Juventusit në Champions League.
Top Channel
