Rrëzohet avioni mjekësor në Indi për shkak të kushteve të motit/ 7 anëtarët e bordit të zhdukur, ende nuk dihet nëse ka të mbijetuar 23/02 22:06
Bashkimi Evropian dështoi të miratonte sanksione të reja ndaj Rusisë në një takim të hënën, pas kundërshtimeve nga Hungaria. Këtë e konfirmoi shefja e diplomacisë së Unionit, Kaja Kallas.
“Fatkeqësisht, nuk arritëm një marrëveshje për paketën e 20-të të sanksioneve”, ka thënë ajo. “Ky është një hap pas dhe një mesazh që nuk donim ta dërgonim tani që u bënë 4 vite nga kjo luftë”, ka shtuar ajo.
Diplomatët evropianë kishin nxituar të finalizonin sanksione të reja ndaj Rusisë dhe një hua të madhe të re për Kievin përpara përvjetorit të katërt të luftës, e cila ka lënë të vdekur, të plagosur ose të zhdukur rreth 1.8 milionë ushtarë rusë dhe ukrainas.
Por ata nuk arritën ta bindnin Hungarinë të hiqte veton dhe të mbështeste përpjekjet e BE-së për të ndihmuar Ukrainën dhe për ta detyruar Rusinë të paguajë një çmim ekonomik për luftën e që nisi më 24 shkurt 2022, dhe që nuk tregon shenja përfundimi.
Hungaria, e konsideruar si anëtarja më pro-ruse e BE-së, njoftoi se e mori këtë vendim për shkak se dërgesat e naftës ruse drejt Hungarisë dhe Sllovakisë janë ndërprerë që nga 27 janari.
Kryeministri hungarez, Viktor Orban akuzoi se Ukraina po pengon qëllimisht dërgesat e naftës ruse dhe se po përpiqet të rrëzojë qeverinë e tij.
Top Channel
