Dy ngjarje të rënda kanë tronditur kryeqytetin pasditen e kësaj të premteje.
Në rrugën “Kongresi i Lushnjës”, është vrarë me thikë 31-vjeçari Egli Pashollari, i cili dyshohet se pas një konflikti të çastit, është sulmuar nga një grup të rinjsh.
Ai nuk i mbijetoi dot plagëve të marra, duke humbur jetën kur ka mbërritur në spital.
Në harkun kohor të 10 minutave, një tjetër ngjarje e rëndë ndodhi në rrugën e Kavajës, ku 34-vjeçari Akil Koxhaxhiku ka mbetur i plagosur, gjithashtu pas një konflikti të çastit.
Sipas njoftimit të policisë, ai ndodhet jashtë rrezikut për jetën.
10 minuta pasi Egli Pashollari u vra me thikë, një tjetër ngjarje ë rëndë ndodhi në kryeqytet. Akil Kokaxhiu mbeti i plagosur pas disa të shtënave me armë zjarri në Rrugën e Kavajës në kryeqytet.
17:20 Vrasja me thikë e 31-vjeçarit në Tiranë, zbulohet autori që i mori jetën Egli Pashollarit
Një ngjarje e rëndë ndodhi këtë pasdite në Tiranë, ku mbeti i vrarë Egli Pashollari. Sipas asaj që raporton gazetarja e Top Channel, Dorjana Bezat, autori i ngjarjes dyshohet të jetë Gazment Buçpepaj.
Një ngjarje e rëndë ka tronditur kryeqytetin pasditen e kësaj të premte, ku një 31-vjeçar ka humbur jetën si pasojë e plagëve të marra me thikë pas një konflikti të çastit. Sipas asaj që raporton gazetarja e Top Channel, Dorjana Bezat, Egli Pashollari pati një konflikt me një grup të rinjsh në një fast-food në rrugën “Kongresi i Lushnjës”.
Detaje të reja janë mësuar nga plagosja me armë zjarri që ndodhi pasditen e sotme në Tiranë, në Rrugën e Kavajës. Gazetarja e Top Channel, Dorjana Bezat, mëson se 34-vjeçari ka qenë në një restorant në rrugën e Kavajës, duke drekuar me të fejuarën në tavolinë.
Policia ka dhënë një njoftim zyrtar për dy ngjarje që ndodhën brenda 10 minutash në kryeqytet, me pasojë në jetë njerëzish. Sipas bluve, 31-vjeçari i vrarë me thikë pas një sherri në rrugën “Kongresi i Lushnjes” ka ndërruar jetë në spital. Ndërkohë edhe plagosja që ka ndodhur në një zonë tjetër të Tiranës, po hetohet, ndërsa i lënduari 34-vjeçari ndodhet jashtë rrezikut për jetën.
16:28 Mbeti i vrarë me thikë pas sherrit, viktima ish-polic i burgjeve
Egli Pashollari i cili mbeti i vrarë me thikë pasditen e sotme, rezulton të ketë punuar si polic i burgjeve. Gazetarja e Top Channel, Dorjana Bezat, mëson se dyshohet se viktima Egli Pashollari është goditur me thikë gjatë sherrit në një lokal.
15:53 Të shtëna me armë në kryeqytet, plagoset një person
Të shtëna me armë zjarri janë regjistruar pasditen e sotme në Tiranë. Gazetarja e Top Channel, Dorjana Bezat, raporton se një person, i identifikuar si Akil Koxhaxhiku, është plagosur si pasojë e të shtënave.
Top Channel
