Teksa protesta e opozitës më 20 shkurt po afron me qëllimi final siç thotë Sali Berisha të rrëzimit të narko-shtetit, deputetët e tij u ulën paqësisht me socialistët në Komisionin e Posaçëm të Reformës Zgjedhore.
Bashkëktyetarët Damian Gjiknuri dhe Oerd Bylykbashi kanë hedhur piketat si do të vijojë reformimi kodit zgjedhor duke ngulmuar në nevojën e pasjes edhe të ekspertizës nga BE dhe OSBE- ODIHR.
“Produkti këtij komisioni të jenë rregulla sa më të mira për ata që aspirojnë pushtet”, tha Damian Gjiknuri.
“Me rëndësi puna dhe ekspertiza e ekspertëve. Konsultimet të kthehen në produkt të punës të komisionit. Na duhet me patjetër ekspertiza e OSBE dhe BE. Pushtimi shtetit në zgjedhje, një problem madhor. Vota e diasporës një problem kolosal”, u shpreh Oerd Bylykbashi.
Anëtari socialist Ulsi Manja përmes batutave i dha më shumë besim ekspertëve vendas se sa atyre të huaj që do të ndihmojnë këtë reformë.
Komisioni u dakordësua që kjo reformë do të asistohet nga gjashtë ekspertë tre nga PS po aq edhe nga PD. Ish ministri demokrat Viktor Gumi është një prej ekspertëve të zgjedhur nga PS.
Ekspertët e PS:
Viktor Gumi
Elena Xhina
Dardan Malaj
Ekspertët PD:
Altin Kazizaj
Muharrem Çakaj
Arjan Madhi
Top Channel
