SHBA/ Të shtëna me armë zjarri në një shkollë në Maryland, plagoset një person, vihet në pranga një i dyshuar 10/02 10:15
Një zjarr shpërtheu të hënën në një rafineri nafte në Irak, duke vrarë një punëtor dhe duke plagosur 13 të tjerë, sipas policisë dhe Ministrisë së Naftës së Irakut.
Objekti ndodhet rreth 180 kilometra në veri të kryeqytetit të Bagdadit. Punëtorët në rafineri raportuan se kishin parë një trup në vend, ndërsa autoritetet konfirmuan vdekjet dhe lëndimet.
Brigada e zjarrfikësve arriti ta vinte zjarrin nën kontroll. Sipas të njëjtave burime, nuk u regjistruan ndikime të rëndësishme në funksionimin e njësisë.
A fire triggered by the explosion of an air compressor at Iraq’s Baiji oil refinery in northern Salahaddin province killed one person and injured 13 others on Monday, local officials said.
READ MORE: https://t.co/Fxo9u8CWll pic.twitter.com/upvwFwDn52
— Rudaw English (@RudawEnglish) February 9, 2026
Ministria e Naftës e Irakut tha se zjarri shpërtheu gjatë punimeve të mirëmbajtjes.
Rafineria Baiji, dikur ishte objekti më i madh i përpunimit të naftës në Irak. Ajo u dëmtua rëndë në luftimet me ISIS në vitin 2014, kur xhihadistët pushtuan pjesë të mëdha të vendit.
Pas punimeve të gjera restaurimi, uzina u rihap zyrtarisht në shkurt 2024, si pjesë e përpjekjeve për të rindërtuar infrastrukturën energjetike të vendit.
Iraku është ndër prodhuesit kryesorë të naftës në botë, me eksportet e naftës bruto që përbëjnë rreth 90% të të ardhurave qeveritare.
Top Channel
