Shpërthen në lot Arjan Konomi: Sëmundja i rrezikoi jetën vëllait, unë e di ç’kam parë në spital 07/03 21:05
Kylie Jenner ka zgjedhur një mënyrë origjinale dhe të pazakontë për të prezantuar produktin më të ri të kompanisë së saj të kozmetikës, Kylie Cosmetics.
Biznesmenja dhe influencuesja u shfaq me një reçipeta unike, e mbuluar tërësisht me fara shege, duke tërhequr vëmendjen e ndjekësve në rrjetet sociale.
Pamja kreative shoqëron lançimin e nuancës dhe aromës së re të kremit të buzëve, i cili është frymëzuar nga fruti i shegës. Në një video të postuar në Instagram Story, Jenner shihet duke ngrënë shegë nga një tas i madh, teksa shprehet: “Ha shegët e mia”, duke zbuluar se ndodhej në një set fotografik për produktin e saj të ri, “e veshur si shegë”.
Kylie Jenner left little to the imagination in a bra made of pomegranate seeds, which she wore to celebrate the launch of Kylie Cosmetics' new fruity lip butter scent. https://t.co/nGYRiOSCyA pic.twitter.com/xptCUtkztk
— E! News (@enews) February 6, 2026
Dashuria e Kylie Jenner për shegën nuk është e re. Në një intervistë për Harper’s Bazaar në vitin 2020, ajo ka deklaruar se farat e shegës janë ndër ushqimet e saj të preferuara, duke shtuar se mund të hajë sasi të mëdha pa u lodhur. Po ashtu, në një video të vitit 2024 nga kuzhina e saj, Jenner tregoi se mban gjithmonë enë me fara shege të pastruara në frigorifer, për t’i pasur gati sa herë e zë uria.
Pasioni i saj për frutat shtrihet edhe më tej, pasi ajo ka nisur t’i kultivojë vetë në kopshtin e saj, përfshirë shegë, luleshtrydhe, boronica, pjeshkë dhe shalqinj. Në një video të publikuar në vitin 2023, Jenner u shpreh se kujdesi për frutat e saj e bën shumë të lumtur, duke theksuar se mezi pret të shijojë shegët e rritura prej saj.
Top Channel
