Treni i mallrave del nga shinat në Rusi, shpërthen në flakë pas aksidentit 04/02 18:28
Arabia Saudite njoftoi sot një iniciativë të re për lëshimin e pasaportave për devetë e vendit, një hap që synon të krijojë një bazë të dhënash të gjerë dhe të përmirësojë menaxhimin e tufave.
Ministria e Mjedisit, Ujit dhe Bujqësisë tha se pasaportat do të rrisin “produktivitetin dhe efikasitetin” e sektorit dhe do të ofrojnë një referencë të besueshme për pronarët e deveve. Në një postim në rrjetet sociale, ministria publikoi një foto të dokumentit, një pasaportë jeshile e zbukuruar me emblemën e vendit dhe me imazhin e një deveje të artë.
Sipas mediave lokale, pasaportat do të ndihmojnë në organizimin e shitjeve, lehtësimin e tregtisë dhe transportit të deveve, dhe do të mbrojnë të drejtat e pronarëve duke thjeshtuar procesin e vërtetimit të pronësisë.
معالي نائب الوزير يدشّن جواز سفر الإبل، بهدف رفع كفاءة الإنتاجية في القطاع، وبناء قاعدة مرجعية للإبل. pic.twitter.com/iC1Qeq1bUs
— وزارة البيئة والمياه والزراعة (@MEWA_KSA) February 3, 2026
Në vitin 2024, qeveria vlerësoi se në Arabinë Saudite kishte rreth 2.2 milionë deve, të cilat përdoren jo vetëm si transport, por edhe si simbol prestigji për pronarët dhe si pjesëmarrëse në konkurse bukurie, ku shpesh investohen qindra mijëra dollarë.
Ky hap pritet të modernizojë menaxhimin e tufave dhe të sjellë më shumë transparencë dhe organizim në një nga sektorët më të rëndësishëm tradicionalë të Arabisë Saudite.
Top Channel
