Dokumentet e bëra publike nga Departamenti i Drejtësisë, ish-kryeministri i Izraelit qëndronte në shtëpinë e Jeffrey Epstein

Marrëdhënia e çiftit me Epstein ishte e njohur më parë, por dokumentet e reja, të shpërndara të premten nga Departamenti i Drejtësisë, kanë ofruar më shumë detaje mbi afërsinë e tyre me financierin e ndjerë.

Barak, i cili e takoi Epstein për herë të parë në vitin 2003, vazhdoi të mbante lidhje me të edhe pas dënimit të Epstein për shkelje seksuale në vitin 2008, pas një marrëveshjeje të diskutueshme pranimi të fajësisë.

Barak ka pranuar marrëdhënien e tij personale me Epstein, por ka theksuar se nuk ka qenë asnjëherë dëshmitar ose pjesëmarrës në ndonjë sjellje të papërshtatshme nga ana e tij.

Një email i dërguar nga Nili Priel në maj të vitit 2017 tregon se ajo dhe Barak kishin planifikuar të largoheshin nga apartamenti për disa ditë për të udhëtuar në Harvard. Në email, Priel i kërkoi Epstein-it nëse mund të dërgonte një pastruese në apartamentin e tyre, ndërkohë që ai do të mbetej bosh. Epstein ia përcolli mesazhin dikujt dhe e informoi Priel-in që pastruesja do të ishte atje të nesërmen.

Pjesë të tjera të korrespondencës me email nga asistentja e Epstein-it, Lesley Groff, tregojnë se ajo do të kontaktonte Priel-in për të organizuar ndërrimin e dekoderit kabllor në apartamentin e familjes Barak dhe për të instaluar një Apple TV.

Përveç kësaj, email-et tregojnë se Priel dhe Epstein komunikonin shpesh për vizitat e Barak dhe të shoqes së tij në New York, duke koordinuar takime midis tyre.

Për më shumë se një dekadë, Epstein kishte lidhje me shumë figura të njohura, përfshirë politikanë, të cilët, ndonëse kanë njohur shkeljet e tij, nuk kanë ndërprerë marrëdhëniet profesionale me të.

Në të njëjtën kohë, shumë prej tyre kanë mohuar çdo lidhje me veprimet e paligjshme të Epstein, përfshirë edhe Barak, i cili ka theksuar se asnjëherë nuk ka pasur dijeni për abuzimet seksuale që Epstein zhvillonte.

Top Channel