“Rama po mbron veten”, Berisha: Po tërheq zvarrë dhe po poshtëron Gjykatën Kushtetuese për “Ballukun”
29/01 15:09
Kryedemokrati Sali Berisha përsëriti sot thirrjet për protesta kundër qeverisë.
Gjatë konferencës së tij të zakonshme me gazetarët, kreu i opozitës shprehu se protesta është rruga e vetme për të larguar narkoshtetin dhe se shqiptarët do t’i japi Edi Ramës atë që i dhanë dikur diktaturës së parë.
“Protesta dhe vetëm protesta është rruga e vetme, shpresa e vetme që shqiptarët ti japin narkodiktatorit atë që i dhanë dikur diktaturës së parë, apo atë që i dha Bangladeshi, autokrates, atë që i dha Nepali autokratit, ti japin Edi Ramës shqiptarët dhe sa më parë.
Ajo është një sfidë, poshtërim që u bën shqiptarëve. Që unë ju vjedh, do ju vjedh, që për mua s’ka drejtësi, që Gjykatën Kushtetuese e marr si leckë zvarrë dhe bën ato që i them.
Prandaj dhe do flasin qytetarët. Është koha e qytetarëve tani, nuk ka asnjë surprize”, u shpreh Berisha.
Top Channel
