Shkon në 38 numri i të vdekurve nga moti i keq në SHBA, një valë e re të ftohti pritet këtë fundjavë

Një valë e re të ftohti pritet të godasë vendin gjatë fundjavës, duke sjellë temperatura rekord dhe një tjetër stuhi të madhe, ndërsa amerikanët ende përpiqen të rikuperohen nga vala e parë.

Të paktën 38 persona kanë vdekur për shkak të ngjarjeve ekstreme të motit, aksidenteve ose nga hipotermia, sipas një bilanci të përpiluar nga AFP bazuar në informacione nga mediat dhe autoritetet lokale. Tre fëmijë, të moshës gjashtë deri në nëntë vjeç, vdiqën të hënën pasi ranë në një liqen të ngrirë në Teksas.

Dje, kryebashkiaku i Nju Jorkut njoftoi se të paktën dhjetë persona u gjetën të vdekur jashtë dhe autoritetet po hetojnë shkaqet e vdekjes së tyre.

Beautiful city of USA 🇺🇸 New York
Wrapped in the blanket of snow ❄️ pic.twitter.com/QHY3qkmiuC

— Daniel (@Daniel233118) January 26, 2026

Në Maine, shtatë nga tetë personat në bordin e një aeroplani që u rrëzua gjatë ngritjes gjatë një stuhie dëbore u vranë.
Në jug të SHBA-së, ndërprerje të gjera të energjisë elektrike u regjistruan në shtetet e Tenesit, Teksasit, Misisipit dhe Luizianës. Mbrëmë, pothuajse gjysmë milioni familje dhe biznese në SHBA ishin ende pa energji elektrike, sipas faqes së internetit PowerOutage.com.

The intense winter storm that hit the USA in recent days left streets and houses buried under snow.

A drone captured this view of the city of Fort Wayne, Indiana. pic.twitter.com/D9Or3lnCja

— CMNS_Media✍🏻 (@1SanatanSatya) January 28, 2026

Shumë aeroporte kryesore, nga Uashingtoni, D.C., në Filadelfia dhe Nju Jork, praktikisht kanë pezulluar operacionet, ndërsa më shumë se 22,000 fluturime janë anuluar që nga e shtuna dhe mijëra të tjera janë vonuar, sipas faqes së internetit FlightAware. Vetëm të dielën, u anuluan mbi 9,000 fluturime, më shumë sesa janë anuluar në një ditë të vetme që nga fillimi i pandemisë së COVID-19.

Reshje të dendura dëbore

Reshjet më të dendura të borës, 79 centimetra, u regjistruan në New Mexico dhe në një qytet në shtetin e New York-ut ku trashësia e borës arriti në 76 centimetra, sipas të dhënave paraprake nga shërbimi meteorologjik amerikan.
Shumë nga zonat më të goditura janë në jug të Shteteve të Bashkuara, e cila është më pak e mësuar me dimra të ashpër dhe shpesh e pajisur dobët. Në shtetin e Misisipit, për shembull, rrugët në disa qytete u mbuluan me akull, duke e bllokuar trafikun.

Sistemi i motit nga Kanadaja

Parashikuesit e motit parashikojnë se temperaturat në pjesën më të madhe të shteteve veriore do të mbeten nën zero gradë deri të dielën. Një valë e re të ftohti pritet të sjellë “temperaturat më të ftohta në shumë vite në disa zona dhe valën më të gjatë të të ftohtit në dekada”.

Ndërkohë, një sistem tjetër moti, ndoshta i rëndë, mund të lëvizë nga Kanadaja në bregun lindor të Shteteve të Bashkuara, duke shkaktuar reshje të përhapura. Meteorologët thonë se është ende shumë herët për të qenë të sigurt për rrugën e saktë që do të ndjekë ky sistem dhe nëse do të prodhojë shi apo borë.

Top Channel