Fjalët e ashpra të Diego Costas, i cili e kishte quajtur Antonio Conten “personin më të keq të mundshëm” dhe “një njeri të hidhur që ndoshta nuk bën seks në shtëpi”, nuk kanë kaluar pa u vënë re.
Megjithatë, trajneri i Napolit ka reaguar me një distancim të plotë, duke shmangur përfshirjen në ofendimet personale dhe duke e mbajtur fokusin te futbolli.
Në përgjigje të provokimeve, Conte ka theksuar se në botën e futbollit ekzistojnë “njësi të mençura dhe budallenj”, duke shtuar me forcë se nuk dëshiron të “humbasë kohë dhe energji duke lexuar deklaratat e këtyre ose të atyre”. Ai ka zgjedhur të injorojë insinuatat për jetën e tij private, duke i quajtur ato “zhurmë që nuk meriton vëmendje”.
Duke iu rikthyer fushës së lojës, trajneri ka dashur të sqarojë versionin e tij të ngjarjeve lidhur me sezonin e trazuar te Chelsea, që përfundoi me fitimin e Premier League. “Unë mund të flas për futbollin: Diego Costa ka luajtur për mua një sezon, fituam së bashku, por ai donte të largohej tre herë gjatë një viti”, ka kujtuar Conte, duke theksuar se dëshira për ndarjen ishte nisur pikërisht nga sulmuesi.
Më pas, me një përgjigje të shkurtër, “pas Chelseat nuk di se çfarë i ka ndodhur”, ai ka mbyllur përfundimisht këtë çështje, duke treguar edhe një herë se nuk do të lejojë që polemikat jashtë fushës të ndikojnë në fokusin e tij te futbolli.
Top Channel
