Samiti i jashtëzakonshëm i BE-së, Macron: Uniteti i Evropës funksionoi kundër kërcënimeve të Trump 22/01 22:06
Ndërprerjet e udhëtimeve, ndërprerjet e energjisë elektrike dhe temperaturat e ulëta pritet të ndikojnë në jetën e përditshme të 150 milionë amerikanëve nesër dhe në fundjavë, ndërsa një stuhi e madhe dëbore përfshin Shtetet e Bashkuara, duke sjellë borë dhe shi të dendur, nga Rrafshnaltat e Mëdha deri në Bregun Lindor, tha Shërbimi Kombëtar i Motit.
Moti ekstrem, i cili mund të prekë gati gjysmën e popullsisë së vendit, mund të sjellë deri në 20 inç borë në Malet Appalachian dhe malet e Virxhinias Perëndimore, ndërsa shumica e njerëzve që jetojnë në Shtetet e Bashkuara lindore mund të përballen me rrugë të rrëshqitshme ose të akullta dhe ndërprerje të mundshme të energjisë elektrike, paralajmëruan zyrtarët.
“Me të ftohtin ekstrem në veri dhe stuhinë e borës, gjysma e vendit ka një lloj këshillimi në fuqi”, tha Brian Hurley, një meteorolog në Qendrën e Parashikimit të Motit NWS në College Park, Maryland. Qyteti i Nju Jorkut, Bostoni, Baltimori dhe Uashingtoni mund të shohin më shumë se 25 cm borë deri të shtunën, paralajmëroi Hurley, me temperatura që bien në -6 gradë Celsius në kryeqytetin e SHBA-së dhe -14 gradë Celsius në Boston.
Çikago “në frigorifer”
Çikago do të jetë “në frigorifer”, sipas Hurley, me një temperaturë minimale prej -18 gradë Celsius të premten dhe të shtunën dhe një erë të ftohtë prej -34 gradë Celsius. Banorët e Çikagos dinë si ta përballojnë të ftohtin ekstrem, tha Martin, një vendas i qytetit. “Ne ecim shpejt dhe veshim shumë rroba, njëri mbi tjetrin. Pastaj pyesim veten: ‘Pse ende jetojmë këtu?'”
Në Teksas, Guvernatori Greg Abbott shpalli gjendjen e jashtëzakonshme, duke mobilizuar personel dhe pajisje shtesë për të ndihmuar në kontrollin e trafikut, monitorimin e ndërprerjeve të energjisë dhe shpëtimin e njerëzve të bllokuar nga moti ekstrem.
Top Channel
