“Të burgosurit dalin për takime speciale”/ Top Channel zbardh dosjen e arratisjes së Altin Ndocit: 5 herë brenda pak kohësh në spital, dyshohet se… 19/01 13:48
Kryetari i Partisë Demokratike, Sali Berisha, ka hedhur akuza të forta ndaj qeverisë lidhur me projektin “Smart City”, të cilin e cilësoi si një aferë tërësisht korruptive dhe me kosto shumëfish më të larta se çmimet reale të tregut.
Gjatë një konference me gazetarët, Berisha deklaroi se projekti jo vetëm që përbën një vjedhje të përmasave të mëdha, por edhe një rrezik serioz për sigurinë kombëtare dhe privatësinë e qytetarëve, duke paralajmëruar se Partia Demokratike do ta çojë çështjen edhe në institucionet ndërkombëtare.
“Por ky projekt, i cili është i tëri vendosje e Shqipërisë, qytetarëve të saj në kontroll total, është njëkohësisht një projekt fund e krye korruptiv.
Çmimet e ofruara për realizimin e këtij projekti janë nga 10 gjer në 30-fishin e çmimeve për këto aparatura në treg.
Kështu, në qoftë se kamera e trupit të policit kushton në këtë projekt 15.700 euro, ajo blihet kudo me 1000- 1500 euro.
Në rast se kamera e rrugës kushton 52 mijë euro, kjo kamerë blihet lirshëm me 2 mijë euro. Pra është 25 herë më e shtrenjtë se sa gjendet në treg.
Kostot e projektit në tërësi rezultojnë, krahasuar me zbatimin e tyre në vendet e tjera, në proporcion të paktën 10-12 herë më të larta.
Kështu në Bengalore të Indisë ky projekt ka kushtuar 67 milionë dollarë për një popullsi 8 milionë banorë, mbi katërfishin e popullsisë së Shqipërisë.
Pra, i bie rreth 15 herë më shtrenjtë projekti në Shsqipëri, po të kemi parasysh se këtu as 2 milionë banorë nuk janë dhe projekti kushton 157 milionë euro.
Edhe këtu dora e zezë e kunatit famëzi me prestanome është e sigurt.
Imagjinoni pra vjedhjet 15-fishi i kostos të një qyteti të famshëm në Indi.
Dënoj me forcën më të madhe një projekt të tillë si një vjedhje të përmasave të papërmbajtura, si një dhunim dhe cenim i madh i sigurisë kombëtare të shqiptarëve, i privacisë së tyre.
Ata tani nuk mund të shkojnë më tek njëri-tjetrit pa syrin e Ciklopit mbrapa dhe ky është Edi Rama.
Sigurisht që PD do e ngrejë më forcën më të madhe këtë çështje edhe në institucionet ndërkombëtare pasi përbën një shkelje fondamentale të të drejtave të njeriut.”, u shpreh ai.
Top Channel
