Shpërthim në një hotel në qendër të Kabulit, 7 viktima dhe 20 të plagosur 19/01 16:41
Krimi në botën e kriptovalutave ka arritur nivele rekord, me humbje që kapin qindra milionë dollarë, shpesh duke përdorur metoda të njohura dhe të vjetruara.
Sipas firmave të analizës së ‘blockchain-it’, vetëm gjatë vitit 2025, individët humbën rreth 713 milionë dollarë përmes hakerimeve, mashtrimeve dhe detyrimeve të dhunshme.
Helen dhe bashkëshorti i saj, Richard, nga Britania e Madhe, humbën rreth 315,000 dollarë kur hakerët depërtuan në llogarinë e tyre ‘cloud’ ku ruheshin çelësat për portofolin e tyre ‘Cardano’. Pavarësisht se mund të shihnin paratë e tyre në ‘blockchain’, ata nuk mund të bënin asgjë për t’i rikuperuar.
Një studim i Financial Conduct Authority (FCA) në gusht 2024 tregoi se rreth 12% e të rriturve britanikë zotëronin kriptovaluta, ndërsa globalisht janë rreth 560 milionë investitorë kripto.
Me rritjen e pronësisë, u rrit edhe niveli i vjedhjeve. Për shembull, hakerët koreanoveriorë vodhën 1.5 miliardë dollarë nga shkëmbimi Bybit në shkurt 2025. Shumica e këtyre humbjeve prekin kompanitë e mëdha kripto, ndërsa individët shpesh nuk mbrohen.
Sipas Chainalysis, sulmet ndaj investitorëve individualë u rritën nga 40,000 në 2022 në 80,000 vitin e kaluar. Shumë nga këto humbje nuk raportohen publikisht, duke lënë të prekurit pa mbrojtje.
Metodat e kriminelëve përfshijnë hakerime, mashtrime dhe intimidime. Në disa raste, janë regjistruar edhe “wrench attacks”, ku kriminelët kërcënojnë viktimat për të marrë çelësat e portofolit të tyre. Në Spanjë dhe Francë, disa nga të prekurit u sulmuan fizikisht ose u mbajtën peng për të dorëzuar kriptovalutat e tyre.
Kriminelët përdorin edhe të dhëna të vjedhura nga baza të ndryshme për të identifikuar investitorët e pasur, duke shfrytëzuar informacionet e blerjeve dhe kontaktet personale për të organizuar mashtrime të sofistikuara.
Një haker i intervistuar nga BBC deklaroi se ka fituar mbi 700,000 dollarë Bitcoin duke përdorur baza të dhënash të vjedhura dhe mashtrime të koordinuara. Ekspertët paralajmërojnë se kriptovalutat, edhe pse transparente në blockchain, mbeten të pasigurta për individët.
“Kripto mbetet kryesisht e pakontrolluar në Britani dhe me rrezik të lartë”, thotë FCA.
Me rritjen e investimeve dhe vlerës së monedhave, sulmet ndaj investitorëve individualë po rriten, duke bërë që pronarët e kriptove të vegjël të jenë më të rrezikuar.
Ekspertët e sigurisë paralajmërojnë se përveç sulmeve dixhitale, përdorimi i dhunës fizike ndaj investitorëve nuk është më një fenomen i rrallë.
Top Channel
