Mike Maignan së bashku me Adrien Rabiot ishin protagonistët absolutë të fitores së Milanit në sfidën ndaj Comos. Portieri francez u kthye të jetë sërish magjik, lider në fushë dhe jashtë saj gjë që e vërteton edhe fjalimi i tij me shokët e skuadrës: ‘Djema, sonte do t’i shkojmë deri në fund. E gjithë ajo që ndodh, duke ecur përpara. Deri në fund deri sa të fërshëllejë arbitri’-ishin fjalët e thëna nga Maignan pak para fillimit të ndeshjes.
Tashmë edhe çështja e rinovimit të kontratës po shkon mirë dhe palët tashmë e kanë arritur akordin për një kontratë deri në 2029 me opsion zgjatjen e saj deri në 2030 dhe me një pagë të dyfishuar. Maignan me akordin e ri do të përfitojë 5.5 milionë euro plus bonuese për një pagë totale prej 7 milionë euro.
Për ta mbyllur përfundimisht këtë histori mbetet për t’u zgjidhur çështja e komisioneve të agjentit të Maignan që dëshiron të përdorë kartën e skadencës së kontratës së portierit në qershor për të siguruar një përqindje më të madhe.
Ndërkaq sipas të përditshmes ‘La Gazzetta Dello Sport’, agjenti i Maignan, Jonathan Kebe është në Milano për të zhvilluar një takim me drejtuesit e Milanit dhe për të gjetur një marrëveshje përfundimtare.
Top Channel
