Vajza “sekrete” e Freddie Mercury vdes në moshën 48 vjeçare pas një beteje të gjatë me kancerin

Një raport ekskluziv nga Daily Mail zbulon se këngëtari ikonik i Queen i kishte dhënë asaj nofkën “Bibi” dhe thuhet se kishte shkruar disa këngë për të. Autorja Leslie-Anne Jones zbuloi ekzistencën e saj në librin e saj, “Love, Freddie”, i cili u publikua verën e kaluar.

Autori tha sot se Freddie e quante gjithashtu vajzën e tij “thesarin” dhe “bretkosën e vogël”. Këngët e grupit Queen “Bijou” dhe “Don’t Try So Hard” u frymëzuan prej saj, dhe artisti mbajti një marrëdhënie të ngushtë me “Bibin” deri në vdekjen e tij në vitin 1991.

Freddie Mercury's 'secret' daughter dies aged 48: 'Bibi' passes away following long battle with spinal cancer months after her existence was revealed in Queen singer's biography https://t.co/Wet8P1Tchw

— Daily Mail (@DailyMail) January 15, 2026

Burri i saj, Thomas, i tha Daily Mail se ajo kishte ndërruar jetë “paqësisht pas një beteje të gjatë me kordomën, një kancer të rrallë të shtyllës kurrizore, duke lënë pas dy djem, nëntë dhe shtatë vjeç”.

“B tani është me babanë e saj të dashur. Hiri i saj u shpërnda në erë mbi Alpe”, shtoi ai.

Leslie-Ann Jones shtoi se vajza e Mercury lindi në vitin 1976, dhe vitin e kaluar ajo pretendoi se kishte prova ADN-je për ta vërtetuar këtë.
“Jam e shkatërruar nga humbja e kësaj gruaje që u bë shoqja ime e ngushtë dhe që më kontaktoi me një qëllim vetëmohues: Të lija mënjanë të gjithë ata që kishin dorë të lirë me historinë e Freddie-t për 32 vjet, të sfidoja gënjeshtrat dhe ripërsëritjen e jetës së tij, dhe të ekspozoja të vërtetën. Në fund të jetës së saj, kjo ishte e gjitha që kishte rëndësi për të. Ajo ishte shumë e sëmurë gjatë katër viteve që punuam së bashku. Por ajo kishte një mision. Ajo e vuri veten dhe nevojat e saj në plan të dytë “, vuri në dukje autorja.

Sipas librit, Freddie pati një vajzë me një grua të martuar dhe e mbajti ekzistencën e fëmijës një sekret të ruajtur me kujdes. Bibi e shikonte atë në koncerte dhe studionte turnetë e tij në një glob që ai ia kishte dhuruar. Libri bazohet në 17 vëllime ditarësh që ia kishte dhënë “B”-së babai i saj në vitin 1991, pak para se ai të ndërronte jetë për shkak të ndërlikimeve nga SIDA.

Top Channel