Panik në një plazh në Argjentinë për shkak të një “cunami meteorologjik”, vdes 29-vjeçari

I ndjeri është kalorësi 29-vjeçar Yair Amir Mano Nunez, i cili ndodhej në Argjentinë me pushime me të dashurën e tij. Sipas mediave lokale, i riu fatkeq u vra pasi u përfshi në det dhe goditi kokën në shkëmbinj.

Sipas të njëjtave burime, një burrë tjetër pësoi atak në zemër pasi u përfshi në ujë, ndërsa të paktën 35 persona u plagosën.

@diegoramirez543

Justo pude registrar la subida del mar, gente corriendo para todos lados con pánico en Mar del plata!!!

♬ sonido original – Diego Ramirez

Kreu i sindikatës së rojeve bregdetare, Nahuel Nardone, tha se valët arritën “lartësi të pabesueshme”. Banorët e plazhit përshkruan për mediat lokale kaosin dhe dëshpërimin ndërsa valët rrëmbyen çanta, çadra dhe shezlongje, duke i detyruar njerëzit të ndihmonin njëri-tjetrin për të shmangur rrëmbimin në det.

“Nuk kam parë kurrë diçka të tillë më parë”, tha një roje bregdetare për një gazetë argjentinase, ndërsa një tjetër përshkroi se si deti u tërhoq papritur disa sekonda para se një valë e madhe, e përshkruar si “si një mur”, të godiste bregun.

“Është një fenomen i paparashikueshëm. Nuk e dimë nëse mund të ndodhë përsëri”, tha Fabian Garcia, kreu i Mbrojtjes Civile të provincës së Buenos Airesit.

Çfarë është një cunami meteorologjik?
Cunamit meteorologjike janë të ngjashme me cunamit, por nuk shkaktohen nga aktiviteti sizmik në fundin e oqeanit.

Në vend të kësaj, cunamit meteorologjike shkaktohen nga çrregullimet e presionit atmosferik të shoqëruara me ngjarje të motit që ndryshojnë me shpejtësi, siç janë stuhitë e forta. Fronti i stuhisë krijon valën, e cila lëviz drejt bregdetit, ku amplifikohet nga një shelf kontinental i cekët, një gji ose një det.

Shkencëtarët sapo kanë filluar të kuptojnë cunamet meteorologjike, por valë prej 6 metrash ose më shumë janë vërejtur tashmë në zona të tilla si Liqenet e Mëdha, Gjiri i Meksikës, Bregu i Atlantikut, Mesdheu dhe Deti Adriatik.

Top Channel