Kristjan Asllani duket se e ka mbyllur aventurën e tij te Torino.
Sipas mediave italiane, klubi “granata” nuk është i gatshëm të paguajë shumën prej 11,5 milionë euro për kartonin e tij në fund të sezonit dhe po planifikon ta rikthejë mesfushorin tek Interi, i cili e ka në pronësi.
Presidenti i Interit, Xhuzepe Marota, ka lënë të kuptohet se për lojtarin mund të gjendet një zgjidhje tjetër, ndërkohë që diskutimet mbi të kanë nisur menjëherë pas lajmit për largimin e tij nga Torino.
Gazetari i njohur për merkaton, Nicolo Schira, raporton se Interi tashmë i ka propozuar Asllanin klubit të Fiorentinës. Skuadra e qytetit të Firences po kalon një periudhë transformimi, duke lënë pas lojtarët që nuk kanë arritur të japin maksimumin, dhe duket e hapur për të përforcuar mesfushën.
Kristjan #Asllani is ready to leave #Torino where is curently on loan from #Inter: the midfielder has been offered to #Fiorentina in the last hours. #transfers
— Nicolò Schira (@NicoSchira) January 5, 2026
Top Channel
