Detaje nga arrestimi i Presidentit të Venezuelës/ Tentuan t’u fshiheshin forcave amerikane, Maduro dhe bashkëshortja e tij përplasën kokën pas derës së çeliktë 07/01 08:23
Presidenti kolumbian Gustavo Petro ka paralajmëruar se do të “rrëmbejë armët” nëse Shtetet e Bashkuara vendosin ta sulmojnë atë ose vendin e tij, pas një sërë kërcënimesh nga Donald Trump.
Në një postim në X, Petro theksoi përpjekjet e tij për të luftuar tregtinë e drogës, të cilën Trump e ka kritikuar, dhe tha se sulmet ushtarake amerikane ndaj trafikantëve të drogës në Kolumbi rrezikojnë të vrasin fëmijë dhe të inkurajojnë rekrutë të rinj në lëvizjet separatiste që kanë qenë në konflikt me shtetin për dekada të tëra.
“Dhe nëse ata arrestojnë një president që ka mbështetjen dhe respektin e një pjese të madhe të popullit, ata do të nisin një kryengritje popullore”, shtoi Petro.
Hoy veré si las palabras en inglés de Trump se traducen como dice la prensa nacional. Por tanto, más tarde las responderé hasta saber lo que significa realmente la amenaza ilegítima de Trump.
En cuanto al señor Rubio que desliga autoridades del presidente y dice que el…
— Gustavo Petro (@petrogustavo) January 5, 2026
Petro, një ish-anëtar i grupit të armatosur rebel M19, tha gjithashtu se do ta mbronte Kolumbinë me çdo kusht. “U betova se nuk do të prekja më kurrë një armë… por për atdheun, do të marr përsëri armët “, tha ai.
Trump e sulmoi Petros të dielën, duke e quajtur atë “një njeri të sëmurë që i pëlqen të prodhojë kokainë dhe ta shesë atë në Shtetet e Bashkuara, dhe nuk do ta bëjë këtë për shumë gjatë”. Kur një gazetar e pyeti nëse këto komente nënkuptonin se mund të kishte një ” biznes ” në Kolumbi në të ardhmen, Trump u përgjigj: “Më duket mirë”.
Top Channel
