Robert Levandovski ka folur hapur për vështirësitë që ka pasur këtë sezon dhe të ardhmen te Barcelona.
Por, sulmuesi polak u ndal edhe te ndeshjet e marsit, ku Polonia e tij do të përballet me Shqipërinë në Varshavë për një vend në Botëror dhe vetë Levandovski, e pranon se do të jetë një ndeshje e vështirë.
SEZONI– “E fillova me vështirësi. Pata dy lëndime dhe ishte e vështirë të rifilloja, por tani na presin shumë ndeshje në janar, shkurt dhe mars deri në fund të sezonit. Jam i përgatitur mendërisht që në këtë pjesën e dytë të sezonit, duhet të jem fizikisht i gatshëm, të bëj gjithçka të mundur për të shmangur lëndimet dhe të jap më të mirën time.
PLAY OFF– Na presin kundërshtarë të fortë. Nuk do të jetë e lehtë, por luajmë kundër Shqipërisë në shtëpi, me mbështetjen e tifozëve tanë, dhe kjo do të na japë një shtysë ekstra. Nuk kam shumë dashuri për ish-trajnerin tonë. Kur mora vesh që po më hiqnin shiritin e kapitenit, thuajse rashë nga karrigia, por e lashë pas dhe shkuam përpara.
KARRIERA– Të arrish në majë nuk është pjesa më e vështirë, që të qëndrosh aty është ajo që vërtet ka rëndësi. Për 15 ose 20 vjet duke luajtur futboll, kam pasur nevojë të testoj dhe të tejkaloj kufijtë e mi fizikë, mendorë dhe psikologjikë. Kam prishur shumë mure për të arritur këtu dhe për të provuar që është e mundur.
Top Channel
