Marotta i përgjigjet Contes: Napoli është padyshim favorit për Scudetton…

Shkëmbimi i zakonshëm i ironive midis Antonio Conte dhe Beppe Marotta. Pas fitores së pasdites ndaj Cremonese, trajneri i Napolit tha: “Napoli nuk është ende i aftë të udhëheqë për shumë arsye. Ne sapo kemi filluar një udhëtim dhe, nga ana strukturore, nuk jemi gati. Juventusi, Milani dhe Interi janë të ndryshëm për sa i përket strukturës, ne jemi pjesë e skuadrave të dyta dhe kjo për nga fatura e pagave dhe vlerës së aseteve. Nëse një skuadër tjetër përveç këtyre tre fiton, ata kanë arritur diçka të jashtëzakonshme.”

Dhe ja përgjigja e Marottës për Dazn para ndeshjes kundër Atalantës. “Nuk dua të hyj në një polemikë. Conte është një trajner i mirë dhe një komunikues i mirë. Ai di si të shpërqendrojë vëmendjen dhe të komunikojë. Napoli është padyshim favorit; ata janë kampionët në fuqi, kanë investuar ndjeshëm dhe kanë qëndrueshmëri teknike; janë e vetmja skuadër që nuk ka ndryshuar trajnerin. Ne kemi ndryshuar modelin tonë dhe kemi investuar në lojtarë të rinj. Ne të gjithë do të luftojmë deri në vijën e finishit, por unë besoj se Napoli, në bazë të meritës, është pretendent serioz për fitoren e titullit kampion.” Marotta foli më pas për Frattesin: “Nuk duam të mbajmë askënd. Megjithatë, ky nuk është rasti i Frattesit, sepse ai nuk ka shprehur asnjë qëllim për t’u larguar. Do të kemi mundësinë të diskutojmë gjërat me të.” Dhe ai hodhi poshtë mundësinë e blerje së Palestras: “Mund ta përjashtoj mundësinë që Palestra të jetë një objektiv për ne. Ai është një lojtar i Atalantës, nuk ka kuptim të ndjekësh rrugë që nuk të çojnë askund. E dimë që është një merkato e dobët kjo e dimrit, me pak mundësi, por Interi dhe të tjerët kanë detyrimin të shohin nëse mund t’i shtojnë diçka kësaj skuadre.”

Top Channel