Juventus, Spalletti fërkon duart; Bremer dhe Rugani i bashkohen grupit në stërvitje 09/12 22:21
Merkatoja e janarit mund të sjellë një lëvizje të bujshme në Europë, teksa mediat italiane raportojnë se AC Milan po shqyrton mundësinë e një shkëmbimi mes Robert Lewandowskit dhe Christopher Nkunkut.
Sipas Calciomercato, klubi kuqezi po konsideron t’i ofrojë Barcelonës sulmuesin francez në këmbim të Lewandowskit, në mënyrë që ta sigurojë transferimin e tij që në dimër, pa pritur skadimin e kontratës në verën e vitit 2026.
Lewandowski, 37 vjeç, ndodhet në vitin e fundit të marrëveshjes katërvjeçare me Barcelonën dhe ka shënuar mbi 100 gola me fanellën blaugrana, duke mbetur një nga sulmuesit më të kërkuar në Europë.
Nga ana tjetër, Nkunku iu bashkua Milanit këtë verë për 38 milionë paund, por ende nuk ka shënuar në Serie A – një fakt që mund ta kthejë në “kartën fituese” të klubit italian në negociatat me Barcelonën. Francezi u transferua te Chelsea nga RB Leipzig për 52 milionë paund me pritshmëri të mëdha, por dëmtimet e penguan gjatë dy viteve në Londër, ku realizoi 18 gola në 62 ndeshje.
Megjithatë, shpejtësia, teknika dhe polivalenca e tij vazhdojnë ta bëjnë një opsion tërheqës për Barcelonën, e cila mund të përfitojë një profil premtues sulmuesi që në janar.
Një kalim te Milan mund të ishte po aq joshës edhe për Lewandowskin, i cili kërkon një sfidë të re pas viteve të suksesshme në La Liga. Përvoja dhe vazhdimësia e tij në shënim do të ishin një bonus i madh për kuqezinjtë në objektivat e tyre brenda dhe jashtë kampionatit.
Nëse Barcelona vendos të pranojë ofertën, merkatoja e dimrit mund të rezervojë një nga lëvizjet më të bujshme të sezonit.
Top Channel
