Ish-ylli ikonik i WWE, Torrie Wilson, ka tërhequr vëmendjen e ndjekësve me një postim të ri në rrjetet sociale, duke shkaktuar një reagim të madh mes fansave të saj.
50-vjeçarja, e njohur për karrierën e gjatë si WWE Diva, publikoi një foto në Instagram ku shfaqet me një fustan jeshil, duke vënë në pah formën e saj të mirë fizike. Në postim, Wilson kishte vendosur të censuronte një pjesë të fotos për të shmangur ekspozimin e tepërt.
Me mbi 1.1 milion ndjekës, fotoja u shpërnda me shpejtësi dhe mori mijëra pëlqime, duke kaluar shifrën e 18 mijëve brenda pak orësh. Ajo e shoqëroi postimin me mbishkrimin provokues: “Who’s your Mommy?”, i cili shtoi edhe më shumë reagimet e ndjekësve.
Fansat u hodhën menjëherë në komente, duke shprehur habinë për pamjen e saj në formë:
“Si mund të jesh 50 vjeç?”, shkroi një komentues.
“Mund të jetë mama tani, por nuk ka humbur hijeshinë dhe humorin”, shtoi një tjetër.
Një fans i vjetër i WCW tha: “Më përqafoi një herë në një shfaqje WCW. Mendova se shkova në parajsë”.
Torrie Wilson debutoi në WWE në vitin 2001 dhe u bë shpejt një nga figurat më të njohura të divave, derisa një dëmtim në shpinë e detyroi të tërhiqej në vitin 2007. Për shkak të popullaritetit të saj të madh, ajo vazhdoi të shfaqej si e ftuar speciale edhe pas largimit nga ringut, ndërsa në vitin 2021 u fut në WWE Hall of Fame.
Jashtë ringut, Wilson ka qenë po aq e ndjekur, pasi ka qenë pjesë e kopertinave të revistave të njohura dhe listave të personaliteteve më tërheqëse të botës.
Kohët e fundit, ish-ylli i WWE njoftoi se është bërë nënë. Ajo dhe partneri i saj, Justin Tupper, mirëpritën vajzën e tyre, Poppi, e cila lindi disa muaj më parë përmes një surrogate. Lajmi u bë publik javën e kaluar përmes një postimi emocionues në rrjetet sociale.
Top Channel
