FOTOT/ “Fashion Awards 2025”, Rita Ora guxon më shumë se kurrë me veshjen e saj, kthehet në “objekt” bisede 02/12 19:07
Regjisorja e njohur e Teatrit të Kukullave, Klaudia Hila, ishte e ftuar këtë të martë në programin “Ftesë në 5” me Bieta Sulo, ku ndau disa prej momenteve të jetës personale e profesionale.
Me një karrierë 28-vjeçare, Klaudia ka krijuar botë magjike për fëmijët, skena ku kukullat flasin e prekin zemrat. Por pas gjithë këtij krijimi artistik, ajo mbart edhe histori të forta personale.
Gjatë intervistës, Klaudia u ndal te humbja e babait, i cili është ndarë nga jeta 23 vite më parë. Ajo tregoi se lidhja me të mbetet po aq e gjallë sa dikur.
“Nuk dal nga shtëpia pa puthur foton e tij çdo mëngjes. Ai më del në ëndërr dhe më zgjidh çdo problem…”, u shpreh ajo mes lotësh.
Një nga pengjet më të mëdha të saj mbetet fakti që babai nuk pati mundësi të bëjë një foto me vajzën e saj të vogël, gjë që e ka shoqëruar ndër vite me një ndjesi mungese.
Një surprizë e bukur për të ishte dhe një surprizë nga dy vajzat e saj, Meril dhe Ketlin.
Klaudia foli gjithashtu për raportin e veçantë me motrën, e cila prej kohësh po përballet me sfida shëndetësore.
Por edhe pse në gjendje jo të mirë shëndetësore, motra e saj kishte disa fjalë zemre për të, ku me anë të një videomesazhi do t’i shprehte Klaudias dashurinë e saj… Kjo surprizë e papritur e përloti regjisoren.
Top Channel
