Trajnerët e skuadrave Kombëtare kanë vijuar me përzgjedhjet e tyre për formacionin dhe trajnerin më të mirë të Kategorisë Superiore.
Për javën e 13 të kampionatit, skema e përzgjedhur prej tyre për formacionin është 4-2-3-1 dhe në portë është përcaktuar Mario Dajsinani i Egnatias.
Mbrojtja përbëhet nga Fabjan Përndreca (Bylis), Altin Bytyçi (Partizani), Sigitas Olberkis (AF Elbasani) dhe Todor Todoroski (Flamurtari).
Përpara mbrojtjes vendosen Xhoeli Macolli (Teuta) dhe Albano Aleksi (Egnatia), ndërsa në treshen e mesfushës ofensive janë Eridon Qardaku (Dinamo City), Irgi Kasalla (Vora) dhe David Fadario (Teuta), që janë në mbështetje të sulmuesit të Egnatias, Soumaila Bakayoko.
Përsa i përket trajnerit më të mirë, u shpall Enkeleid Dobi i Teutës, pas fitores së kësaj të fundit në Shkodër në ndeshjen ndaj Vllaznisë.
Top Channel
